Эммануэл Пети: “Реал”да Беллингҳем бор, Мбаппе у ерга ўтса, клуб тарихидаги навбатдаги футболчи бўлади, холос

Франция терма жамоасининг собиқ футболчиси Эммануэл Пети Килиан Мбаппенинг “Реал”га эҳтимолий ўтиши ҳақида фикр билдирди.

“Реал” Мбаппени катта пуллар эвазига ўзига оғдирмоқчи эди. Лекин вазият ўзгарди. Нега? Чунки мадридликлар ўзини сотилгандек ҳис қилди. Билмадим, ростдан ҳам шунақами-йўқми, лекин вазият шундай.

Ундан ташқари, “Реал”да ҳозир Беллингҳем бор. Айнан у юлдуз. Клубда бир вақтда порлаб турадиган бир нечта юлдуз бўлади деяпсизми? “Реал” қандай тузилганидан хабарингиз борми? Барчаси бошқача, у ерда жуда кўп катта “эго”лар мавжуд.

Мбаппе “Реал” тарихидаги навбатдаги футболчи бўлади, холос. Клуб бир неча бор Чемпионлар Лигасини қўлга киритган, жуда кўп “Олтин тўп” эгалари у ерда тўп сурган. Улар бунга ўрганган.

Агар Килиан уёққа ўца, ўзининг Мбаппе эканлигини, дунёнинг энг яхши футболчиларидан бири эканлигини исботлашига тўғри келади. Энди қийин бўлади, чунки уни бир ярим йил олдингидек илиқ кутиб олишмайди.

Аввалроқ, Мбаппе “Реал”га ўтиши ҳақида “ПСЖ” президентини огоҳлантирмоқчилиги, Носир ал-Ҳелайфи эса унинг клуб раҳбарлари билан шахсий келишуви борлиги маълум қилгани айтилганди.