Саудия Арабистонининг “Ан-Насср” футбол клуби тижорат директори Жорди Дюранте РИА Новости билан суҳбатда жамоанинг “Биродарлик Кубоги” турнирида иштирок этиш эҳтимоли борлигини маълум қилди.
Ушбу кубокда Ўзбекистон терма жамоаси аъзоси Аббосбек Файзуллаев тўп сурадиган “ЦСКА” клуби ҳам иштирок этади.
Аввалроқ Москванинг “Динамо” клуби директорлар кенгаши раиси Дмитрий Гафин беш карра “Олтин тўп” соҳиби, португалиялик Криштиану Роналду тўп сураётган “Ан-Насср”ни “Биродарлик Кубоги”да қатнашишга таклиф қилганди.
“Биз доим халқаро ҳамкорлик учун имкониятлар излаймиз. Россия — йирик бозор. Бу ерда Жаҳон чемпионати ўтказилган. Россияда футболга қизиқадиган одамлар жуда кўп. Ҳар қандай имкониятни кўриб чиқишга тайёрмиз.
Бу борада қарор қабул қилиш учун вақт керак, ъАн-Нассръ тақвимида мос фурсатни топиш ва турнирга қатнашиш учун қулай шароитларни яратиш лозим”, дея қўшимча қилди Жорди Дюранте.
“Биродарлик Кубоги”нинг яна бир иштирокчиси – Москванинг “ЦСКА” клуби бош директори Роман Бабаев ҳам “Ан-Насср”нинг турнирга таклиф этилишини ижобий баҳолади.
Ушбу турнир 2023 йилда Сербия ва Россия ўртасида дўстлик алоқаларини мустаҳкамлаш учун ташкил этилган эди.
Изоҳ (0)