Аргентина терма жамоаси бош мураббийи Лионель Скалони Мессининг 2026 йилги Жаҳон чемпионатида ўйнаш имконияти ҳақида фикр билдирди.
“Ҳозир бу ҳақда гапиришнинг вақти эмас. Мен бу савол ҳозирги кунда муҳим аҳамият касб этмайди, деб ҳисоблайман.
Лео ўзининг келажаги учун қандай қарор қабул қилиш кераклигини яхши билади ва биз унга мустақил равишда қарор қабул қилиш имкониятини беришимиз керак”, дея Скалони сўзларини келтиради Goal.com нашри.
Маълумот учун, Лионель Месси етакчилигидаги Аргентина терма жамоаси сўнгги икки йирик турнирда ғолиб чиққан. Жамоа 2022 йилда Қатарда бўлиб ўтган жаҳон чемпионатида, шунингдек, 2024 йилги Америка Кубогида чемпионликни қўлга киритган.
Профессионал фаолияти давомида Лионель Месси саккиз марта “Олтин тўп” совринини қўлга киритган ва сайёранинг энг яхши футболчиси деб топилган.
Изоҳ (0)