“Реал” клубининг собиқ ҳужумчиси Хоселу France Football нашрининг “Олтин тўп” учун курашда фаворит ким эканини айтди.
“Олтин тўпни Карвахалга берган бўлардим. У ўтган мавсумда барча совринларни қўлга киритди ва янги мавсумни УЕФА Суперкубогини ютиш билан бошлади. Қолаверса, у илгари Чемпионлар Лигаси финалида бўлгани каби бу турнирда ҳам гол уриб, Европа чемпионлигини қўлга киритди. Бундай натижага у ҳимоячи бўлиб эришмоқда. “Олтин тўп” ташкилотчилари унинг ютуқларини тан олиб, шундай футболчиларга кўпроқ эътибор қаратишлари керак. Одамлар кўп гол ургани учун фақат ҳужумчиларга эътибор беради. Аммо “Реал”да ҳимоячи сифатида ўйнаш — бу эътирофга лойиқ ажойиб ютуқ”, дея Хоселу сўзларини келтирган АС.
Ўтган мавсумда Карвахаль барча мусобақаларда 41 та ўйинда қатнашиб, 6 та гол ва 5 та голли узатмага муаллифлик қилган. Transfermarkt порталида берилган маълумотларга кўра, футболчининг бозор қиймати 12 миллион еврони ташкил қилади.
Изоҳ (0)