Give Me Sport Бразилия термасидаги энг яхши футболчи ким эканини маълум қилди

Британиянинг нуфузли Give Me Sport портали тарихдаги энг яхши бразилиялик футболчилар рейтингини эълон қилди.

Рейтингнинг биринчи ўрнини афсонавий ҳужумчи Пеле эгаллади — у Жаҳон чемпионатида уч марта ғолиб чиққан ягона футболчи ҳисобланади. Иккинчи ўрин Роналдога насиб этди, у Бразилия терма жамоаси билан икки марта Жаҳон чемпиони бўлган ва икки марта “*Олтин тўп” совринини қўлга киритган. Учинчи ўрин эса Гарринчага берилди.

Give Me Sport порталининг тарихдаги энг яхши бразилиялик футболчилар рейтинги:

1. Пеле
2. Роналдо
3. Гарринча
4. Роналдиньо
5. Ривалдо
6. Ромарио
7. Неймар
8. Зико
9. Диди
10. Жаирзино

Эслатиб ўтамиз, ушбу рўйхатда ягона фаолиятини давом эттираётган футболчи Неймар ҳисобланади. Яқинда у расмий равишда “Сантос” клубига қайтди.