“Калмар ўйини” ҳақида деярли ҳамма эшитган — бу Netflix’даги энг машҳур сериаллардан бири. Мухлислар уни жон-дилдан томоша қилишди, турли назариялар ўйлаб топишди, кадрларни пикселма-пиксел таҳлил қилишди. Бироқ ҳатто энг машҳур шоу ҳам кинохатолардан холи эмас.
Ўйинчилар рақамлари чалкашиб кетган
Биринчи ўйинда 456 нафар иштирокчи мусобақада қатнашади ва ҳар бирига алоҳида рақам берилади. Бироқ муаммо шундаки, айрим саҳналарда қаҳрамонларнинг рақамлари бир хил бўлса, бошқаларида эса ўзгариб қолади. Энг яққол мисол — 061 рақамли ўйинчи. Дастлаб у аёл эди, аммо чиқиб кетганлар рўйхати кўрсатилганда, унинг ўрнида эркак пайдо бўлади.
120 ёшдан ошган иштирокчи
Шиша заводида ишлаган ва тобланган шишани ажрата оладиган 017-рақамли ўйинчини эслайсизми? Ҳужжатларга кўра, у 1897 йилда туғилган. Агар бу маълумотларга ишонсак, у иштирок этган пайтда 124 ёшда бўлган экан. Албатта, сценарий муаллифлари шунчаки хатога йўл қўйишган ва кейинчалик Netflix туғилган санани 1987 йил деб тўғрилаган.
Соябон шаклининг ўзгарувчанлиги
Шакарли ширинлик эпизодида иштирокчилар тўртта шаклдан бирини танлайди: доира, учбурчак, юлдуз ёки соябон. Бироқ синчиклаб қаралса, баъзи кадрларда девордаги соябоннинг шакли ўзгариб, гумбази янада эгилганлигини кўриш мумкин.
-CE8wTWAE.png)
Ки-хун бўш қошиқни “еяётгандек” кўрсатади
Учинчи қисмда Ки Хун овқатининг совиб қолганидан нолийди. Аммо бўш қошиқни оғзига олиб боради, ўзини овқатланаётгандек кўрсатади. Эҳтимол, актёр дублни ҳисобга олмаган, монтажчилар эса бу кадрни якуний кўринишда қолдиришган.
-9-XFMesx.png)
Ки Хуннинг сирли телефони
Финалда Ки Хун Samsung Galaxy С7 телефони орқали қизи билан гаплашади. Бироқ аэропортда, муҳим қарор қабул қилаётган пайтда, қўлида Samsung S3 кўрсатилади.
-R_xe0y8W.jpg)
Полициячининг телефони бир ҳафта қувватини йўқотмайди
Ўйинларни текшираётган полициячи Хван Чжун Хо доимо бир хил телефондан фойдаланади. У расмга олади, видео ёзади, хабарлар юборади, аммо... биронта марта ҳам қувватламайди. Батарея қанчалик кучли бўлмасин, бундай ҳолат бўлиши мумкин эмас.
-ZuSGP6Dm.jpg)
Ташрифномадаги ҳақиқий телефон рақами
Ёлловчи тарқатган карточкада чиндан ҳам ҳақиқий телефон рақами ёзилган. Сериал эфирга чиққач, рақам эгаси минглаб қўнғироқлар ва хабарлар қабул қила бошлайди. Netflix кейинги кўрсатувларда бу рақамни шошилинч равишда ўзгартиришга мажбур бўлади.
-jWMopvOC.png)
Кан Се Бёкнинг шимолий корейсча талаффузи
Агар корейс тилини билганингизда, Кан Се Бёкнинг жанубий корейсча талаффуз билан сўзлашаётганини сезган бўлардингиз. Бироқ у укаси билан гаплашганда Шимолий Кореядаги каби сўзлашади. Бу нозик фарқ бежиз эмас: қиз камситишдан қочиш учун ўз келиб чиқишини яширишга ҳаракат қилади.
Изоҳ (0)