Жанубий Кореяда суратга олинган «Биз ҳаммамиз ўликмиз» сериали ҳозирги кунда Netflix стриминг платформасида энг кўп томоша қилинаётган сериал ҳисобланади. YesAsia нашрининг ёзишича, сериалдаги бош роллардан бирини ижро этган актёр Пак Соломон асли Ўзбекистондан.
Фото: Instagram / @lomon991111
«Биз ҳаммамиз ўликмиз» ўсмирларнинг зомби-фильми бўлиб, кундан-кунга машҳурликка эришмоқда. Сериалдаги актёрлар асосан 19—23 ёшларда. Мухлислар уларнинг шахсий ҳаётларини фаол кузатишни бошлаб юборган, натижада сериалнинг юлдузига айланган актёр Ўзбекистондан бўлиб чиқди.
https://www.instagram.com/p/CTT-nYTBycz/?utm_source=ig_embed&ig_rid=bf5dabcb-fd8b-4c61-a063-554385ae9c0b
Сериалда Ли Су Хёк ролини ижро этган Пак Соломон 1999 йилда Ўзбекистонда туғилган, бироқ 5-синфда ўқиб юрганида Кореяга кўчиб кетган. Ҳозирда у Ломон тахаллуси остида фаолият олиб боради. Маълум бўлишича, Пак Соломон яхшигина актёрлик тажрибасига эга. У 2014 йилда «Аср келини» ва «4 афсонавий жодугар» драмаларида дебют қилган.
Шунингдек, у машҳур корейс ва хитой драмаларида ҳамда «Қасос дафтари»да Жи Хун ролини ижро этган.
https://www.instagram.com/p/CZVhcoSBnD0/?utm_source=ig_web_copy_link
Актёр кузатувчиларини нафақат ўзининг истеъдоди, балки қизиқарли контентлар улашадиган Instagram саҳифаси билан ҳам ҳайратда қолдирди.
«Биз ҳаммамиз ўликмиз» сериалининг сюжети зомбига айланганидан кейин ўз яқинлари билан курашишга мажбур бўлган талабалар ҳақида ҳикоя қилади. Тирик қолган ўқувчилар ўзларини ҳимоя қилиш учун ҳар томонлама ҳаракат қилади, акс ҳолда улар ҳам зомби талабаларнинг бир қисмига айланади.
Мавзуга доир:
Изоҳ (0)