Ҳеч кимга сир эмаски, шоу-бизнес саноати Жанубий Кореяни нафақат туризм орқали оёққа туришига, балки мусиқа, кино, гўзаллик ва бошқа соҳаларга ҳам катта ёрдам берди. Албатта, дорамалар ҳам бундан мустасно эмас.
“Паразитлар” ва “Калмар ўйини”нинг глобал ютуқлари
Сўнгги йилларда Корея маданиятининг оммалашишига, хусусан, икки фильмнинг глобал муваффақияти катта таъсир кўрсатди: “Оскар” мукофотига сазовор бўлган “Паразитлар” фильми ва машҳур “Калмар ўйин” сериали. Ҳатто К-поп ва корейс таомларига қизиқмайдиганлар ҳам ушбу фильмларни томоша қилди.
“Паразитлар” фильмидаги Чикаго шаҳридан бўлган Жессика ҳақидаги шеър ва “Калмар ўйини” сериалидаги шаклли печенелар — далгона тайёрлаш усули ижтимоий тармоқларда тезда тарқалди. Бу фильмлар қозонган мукофотлар ва ўрнатган рекордлар ҳақида эса гап-сўз ҳам бўлиши мумкин эмас.
“Калмар ўйини” бир ойдан камроқ вақт ичида 111 миллион марта томоша қилинган ва “Брижертонлар” фильмини ортда қолдирганди. Netflix ҳозирда деярли ҳар учинчи дорамага ҳомийлик қилаётгани ажабланарли эмас.
Чет эллик томошабинлар Жанубий Кореядаги ижтимоий ва сиёсий мавзудаги дорамаларнинг янги йўналишини юқори баҳолашмоқда
Тахминан 2010 йилларнинг иккинчи ярмидан бошлаб эфирда кўпроқ оғриқли муаммолар ҳақидаги долзарб фильмлар пайдо бўла бошлади. Илгари хаёлий ва фантастик ҳикояларга талаб бўлган бўлса, бугунги кунда бутун дунё бўйлаб томошабинлар қаҳрамонларнинг ҳаётий қийинчиликларига кўпроқ эътибор қаратишмоқда.
Дорамалар сабаб турли мамлакатларда корейс таомлари ва косметикаси оммалашди
Атрофимизда корейс косметикаси ва корейс таомлари кўпайганини пайқагандирсиз. Дорамалар шу каби маҳсулотлар намойишидан фойдаланиб томошабинларни ўзига жалб қилади. Хусусан бош қаҳрамонларнинг кўркам қиёфаси эътиборни тортади ва одамларни айнан ўша актёрлар кийган бренд кийимларидан тортиб ҳатто лаб бўёғигача тақлид қилишга ундайди.
Сўжу, чимек, токпокки, чикин, пибимпап, манду, самгёпсал, кимпап, сунде, кимчи ва яна кўплаб бошқа таомлар сўнгги йилларда турли мамлакатларда айнан дорамалардан сўнг пайдо бўлди. Рамённинг хилма-хиллиги ҳақида гапиришнинг ҳожати ҳам йўқ.
Барча дорама қаҳрамонлари овқатланишни яхши кўрсалар-да, Кореянинг чет элларда ошпазлик маданиятининг ривожланишига айниқса “Қиролича Чорин” сериали сабаб бўлди.
Корея кўпчилик боришни орзу қиладиган манзилга айланди ва сайёҳлик йўналиши рўйхатида биринчи ўринни эгаллади
Шубҳасиз, мамлакат маҳаллий таомларни татиб кўриш, машҳур корейс косметикасини харид қилиш ва косметологларга ташриф буюриш учун келган сайёҳлардан энг кўп наф кўради. Умуман олганда, бу сайёҳлар ўз пулларини сарфлашга, кўплаб илиқ шарҳлар қолдиришга ва бошқаларни ҳам бу ерга келишга ундашга максимал даражада интилишади.
Кўриб турганингиздек, дорамалар кундалик ҳаётдан чалғитадиган шунчаки телесериаллар эмас. Улар Корея поп маданияти ва туризмини ривожлантириш, корейс қадриятларини дунёга ёйиш учун ажойиб воситага айланди.
Изоҳ (0)