067: Netflix'нинг энг оммабоп сериали «Калмар ўйини» юлдузи, супермодель Чон Хо-Ён ҳақида нималарни биламиз?

Режиссёр Хван Дон Хёк томонидан суратга олинган «Калмар ўйини»сериали бутун дунёда машҳурликка эришган. Netflix тарихидаги энг машҳур лойиҳа компанияга 900 миллион доллар даромад келтирган. Сериалда бош роллардан бири — 067 рақамли ўйинчини ижро этган жанубий кореялик модель Хо Ён Чоннинг ижтимоий тармоқлардаги аккаунтига премьерадан икки ҳафта ўтгач 16 миллиондан ортиқ киши обуна бўлган. Шу орқали ижтимоий тармоқларда аудиторияси энг тез ўсган юлдузлар рейтингига етакчилик қилган Чон билан боғлиқ қизиқарли фактларни эътиборингизга ҳавола қиламиз.

Чон Хо Ён модель сифатида муваффақиятга эришган

Чон Хо Ён кинода илк бор 27 ёшида дебют рол ижро қилган. Шу билан бирга у Кореядаги мода оламида ҳам етарлича танилган. Унинг исми сайёранинг энг яхши 50 талик модели рейтингидан ва Models.com’нинг Hot List рўйхатидан ўрин олган. Bottega Veneta, Chanel, Fendi, Jacquemus ва бошқа кўплаб брендлар билан ҳамкорлик қилган моделнинг сурати дунёга машҳур журналлар муқовасида чоп этилган.

Қолаверса, у 2017 йилда Louis Vuitton модалар уйи реклама кампаниясининг юзи бўлган. Netflix’даги муваффақиятидан кейин эса подиумлардаги муваффақияти янада ортишига шубҳа йўқ.

У машҳурликка «Корейсча топ модель»дан кейин эришган

Юнг 2013 йилда «Корейсча топ модель»нинг тўртинчи мавсумида иштирок этган. Иккинчи ҳафтасида шоудан чиқиб кетиб, бешинчи мавсумда қайтган. Натижада финалчилар учталигидан ўрин олган, аммо ғалаба унга насиб қилмаган.

У саноатда малларанг сочлари билан машҳур

Маҳаллий мода саноатидан у халқаро даражага 2016 йилда чиққан. Унинг муваффақиятга эришишида малларанг сочларининг ҳиссаси катта. Сериалдаги тўқ сочи табиий, аммо у дизайнерлар орасида қизғиш малларанг сочи билан машҳурликка эришган. Бу соч унинг ўзига хос услуби саналади.

Street style юлдузи ҳисобланади

Чон Хо Ён нафақат подиум, балки street style’да ўзига хос кийиниш услуби билан ҳам фотосуратчиларнинг севимли моделига айланган.

Энг машҳур корейс хонандаси билан дўст тутинган

Машҳур Blackpink гуруҳининг аъзоси Женни актриса билан яқин дугона. Женни «Калмар ўйини»нинг суратга олиш майдончасига Хо Ённи кўргани бориб, у билан бирга селфи тушган, ҳатто. Ушбу пост Instagram’да бир неча кун ичида 8 миллион лайк тўплаган.

Актёр Ли Дон Хви билан учрашади

Чон Хо-Ён бир неча йилдан буён машҳур кореялик актёр Ли Дон Хви билан учрашади. У суратга тушган «Оқсоч» фильми BAFTA мукофотига эга бўлган ва 2016 йил Канн кинофестивалида иштирок этган.