«Калмар ўйини» сериали муаллифи Хван Дон Хёк сериалнинг иккинчи мавсуми тафсилотлари билан бўлишди. Бу ҳақда «Film.ru» нашри хабар бермоқда.
«Мен сценарийни шу каби мусобақалар дунёнинг бошқа бурчакларида ҳам ўтказилиши мумкинлигига ишора қилиб ёзганман. Маълум бўлганидек, бу йилги корейс ўйини таъсирли, демак, шунга ўхшаш бошқа ўйинлар ҳам бор. Мақсад ҳам шундан иборат эди: агар шоу яхши чиқса, мен уни бутун дунё бўйлаб кенгайтира оламан, шунда бошқа мамлакатларда ‘Калмар ўйиниънинг ўз версияси бўлади», — дейди Дон Хёк.
У аввалроқ иккинчи мавсум учун ёзиладиган сценарийни 2022 йил якунига қадар тугатишини таъкидлаган эди. Шоунинг иккинчи мавсуми 2023 йил охири ва 2024 йил бошида Netflix’да намойиш этилиши режалаштирилган. Бунга параллел равишда реалити-шоу учун иштирокчиларни танлаш давом этмоқда.
Изоҳ (0)