Фильмдаги илк дебюти билан бутун дунёга машҳур бўлган актёр ва актрисалар (фото)

Ҳар бир инсон турли мартаба йўлига эга. Баъзиларга эътиборга тушиш учун йиллар керак бўлади, бошқалари эса карьерасининг бошида муваффақиятга эришади. Бу қоида Голливудда ҳам ишлайди. Айрим актёрлар кино ёки телесериалдаги илк роли билан жаҳон ҳамжамиятининг эътиборини тортади ва бу уларнинг самарали фаолиятига яхшигина туртки беради.

Чон Хо Ён

Чон Хо Ён машҳур корейс сериали «Калмар ўйини»да рол ўйнади, фильм стриминг платформаларда барча рейтингларнинг биринчи поғонасини эгаллади. Сериал актрисанинг дебюти эди. Фильм экранларга чиққач, актриса машҳур бўлиб кетди ва йирик агентлик CАА билан шартнома имзолади.

Эмма Уотсон

Эмма Уотсон «Гарри Поттер»даги Гермиона ролига 8 та кастингдан ўтиб, эришган, бунгача у фақат мактаб спектаклларида ўйнаган. Биринчи фильм 2001 йилда катта даромад келтиради, танқидчиларнинг эътирофига сазовор бўлиб, актриса машҳурликка эришади. Уотсон Young Аrtist Award мукофотини қўлга киритади ва «Гарри Поттер» франшизасининг қолган қисмларида, шунингдек, бошқа кўплаб фильмларда рол ўйнайди.

Софи Тернер

Софи Тернер «Тахтлар ўйини» фильмидаги Санса Старк роли учун кастингдан ўтганида ҳали мактабда ўқиётганди. Бу унинг камера қаршисидаги биринчи иши бўлиб, унга халқаро миқёсда машҳурлик ва танқидчиларнинг эътирофини келтирди. Ўшандан бери Тернер бошқа кўплаб фильмларда, масалан, «Ғаройиб одамлар» франшизасида Қора феникс ролини ижро этди.

Алан Рикман

Кинодаги биринчи ролидан аввал Алан Рикман театр ва телевидениеда ишлаган. Актёр Брюс Уиллис билан бирга бош ролни ижро этган «Чақилмас ёнғоқ» фильмида унутилмас ёвуз қаҳрамон Ханс Грубер ролини ўйнади. Ўшандан бери у кўплаб бошқа машҳур ролларни, жумладан, «Гарри Поттер» франшизасидаги Северус Снейп ролини ролини ижро этган бўлса-да, кўпчилик унинг дебют ролини ҳанузгача эслайди.

Лупита Ньонго

Лупита Ньонго ўсмир пайтидаёқ Кенияда суратга тушишни бошлаган. У Йeл университетининг актёрлик факультетида ўқиш учун АҚШга келади ва университетни 2012 йилда битиради. Бироқ у кино оламига кутилмаганда кириб қолади — Лупита ўқишини битиришдан бир неча ҳафта олдин «12 йил қулликда» фильмидаги Паци ролида дебют қилади. Ушбу драмадаги иши учун у 2014 йилда энг яхши иккинчи пландаги актриса учун «Оскар»ни қўлга киритади.

Эдвард Нортон

Эдвард Нортон ўзининг биринчи ролини «Ибтидоий қўрқув» фильмида ўйнади. У кастингда 2000 нафар актёрни ортда қолдириб, мазкур ролга эга чиққан. Натижада «Энг яхши иккинчи пландаги актёр» номинациясида «Оскар»га номзод бўлади. Ўшандан бери актёр ўнлаб фильмларда суратга тушади ва уч марта «Оскар»га номзод бўлади. Унинг дебюти шубҳасиз жуда муваффақиятли бўлган.