Корейс киноси — ўзига хос муҳаббати ва қаҳрамонларига эга ажойиб оламдир. У аллақачон бутун дунё бўйлаб мухлисларга эга бўлиб, Голливуддан кейинги ўринларда турибди.
Ваҳоланки, Ғарб фильмларида ҳар бир мамлакатда фан-клубига эга бўлган келишган актёрлар йўқ. Қуйида беш нафар келишган, шу билан бирга, чинакам истеъдодли корейс актёрлари ҳақида маълумот берамиз.
1. Ли Дон Ук
Унинг харизмаси шунчалик кучлики, дорамадаги ижросини кузатаётганингизда бу харизма экрандан тошиб чиқаётгандек туюлади. Ли Дон Ук кино оламига 1999 йилда кириб келди: у V-NESS моделлар танловида ғолиб бўлганидан сўнг “Мактаб 2” драматик сериалига таклиф этилди. “Менинг қизим” мелодрамаси премерасидан кейин Ли Дон Ук бир кечада машҳур бўлиб кетди ва режиссёрлар уни ўз лойиҳаларига фаол таклиф қила бошлади. Актёр бир қолипдаги ёқимтой йигит ролини ўйнашни истамаган ва турли хил образларни синаб кўрган.
Ли Донг Укнинг энг машҳур роли — “Тўққиз думли тулки ҳақида ҳикоя” сериалидаги Ли Ен. Актёр унда афсонавий кумихони — одамлар дунёсида яшаб, ярамас одамларни қидириб, уларни жазоловчи ролини ўйнаган. Албатта, сериалда севги тарихи ҳам тасвирланган, Ли Ен ўзининг эски севгилисини замонавий қиёфада учратади. 2023 йилда Ли Донг Ук “1938 йилги тўққиз думли тулки ҳақида ҳикоя” фильмида ушбу ролга қайтди, шунингдек, Пак Помсунинг “Сеулдаги бедорлар” картинасида рол ўйнади.
Кино билан бир қаторда Ли Дон Ук хайрия ишлари билан ҳам фаол шуғулланади. Актёр 2018 йилда Пхенчханда бўлиб ўтган Олимпиадада элчи бўлган. Шунингдек, у бир нечта ток-шоулар олиб борган ва мунтазам равишда Кореянинг машҳур журналлари муқовасида кўриниб туради.
2. Ким Бом
“Тўққиз думли тулки ҳақида ҳикоя” сериали ва унинг давомида иштирок этган яна бир келишган йигит. Аслида фожиали тарзда ғойиб бўлган Ким Бом қаҳрамонини сериалга қайтармаслик хато бўларди, боиси у томошабинлар қалбидан жой олиб бўлганди. Ким Ли Дон Укнинг укаси Ли Ран ролини ўйнайди.
Аммо Ким Бомни кумихо эмас, балки 2009 йилги “Гуллардан ҳам чиройлироқ болалар” дорамасидаги роли уни севимли ва машҳур актёрга айлантирди. Айнан ушбу сериал сабаб корейс киноси яна кўплаб томошабинларни жалб қилди.
2009 йилга келиб актёр бешта фильмда, жумладан, “Даҳшатли аёллар” драмаси ва “Ўлим қўнғироғи” триллерида суратга тушди. Бум Survibal Star Audition танловидаги иштирокидан кейин “Кучли зарба” телесериалида дебют қилди. Бўлажак актёр финалда қатнаша олмади, чунки у ҳали 18 ёшга тўлмаган эди, лекин продюсер ва режиссёрлар эътиборига тушишга улгурганди.
Ким Бом, шунингдек, мусиқий альбомлар ёзади, модел сифатида ишлайди, ток-шоулар олиб боради ва Криштиану Роналдуга мухлислик қилади. Бир вақтлар актёрнинг ўзи ҳам футболчи бўлишни орзу қилган — мактаб жамоасида у аввал ҳужумчи, кейин эса жамоа сардори бўлган.
3. Чжи Чан Ук
Болалигида Чжи Чан Ук кўзойнак тақиб юрар ва муҳандис бўлишни орзу қиларди. Лекин мактабни тугатгач, фикрини ўзгартиради ва оиласини ҳайратлантириб актёрликни танлайди. Ҳозир Чан Ук Кореядаги энг машҳур актёрлардан бири, тўғри, у бу даражага осонликча эришмаган. Чжи Чан Ук мусиқий санъатда фаолиятини бошлаган, кейин эса “Кунлар” фильмида ва “Қалбимни ўғирладинг” сериалида рол ўйнаган. “Уйқудаги гўзал” ва “Мукаммал ўғиллар” сериалида тўрт ака-уканинг энг кенжаси роли Чжи учун омад олиб келган.
Чжи Чан Укнинг фильмографиясида 30 га яқин роллар мавжуд бўлиб, улар орасида “Бўйдоқнинг сабзавот дўкони” комедик мелодрамаси, “Қалбаки шаҳар” ва “Катта ёвузлик” жангари фильмлари, “Тила тилагингни” дорамаси, “Илк етти бўса” комедик дорамаси, “Сеҳрли овоз” фантастик фильмлари бор. Актёрнинг бугунги кунгача энг машҳур роли “Император Ки” кўп қисмли дорамасидаги Юан сулоласига мансуб Хитой императори образи бўлиб қолмоқда. Чжи Чан Ук бош қаҳрамон Ки Син Ньянга бўлган муҳаббати таъсирида дастлаб заиф қаҳрамони қандай қилиб кучли ҳукмдор ва ҳақиқий эркакка айланишини кўрсатиб берган.
4. Чха Ин У
Энг ёш актёр Чха Ин У биринчи марта 2014 йилда “Менинг ҳаётим” фильмида экранга чиқади. Дебютдан икки йил ўтгач, Ин У Аstrо болалар гуруҳига қўшилади ва бутун бир мухлислар армиясининг севимлисига айланади. 2024 йилда Entity деб номланган биринчи яккахон альбомини тақдим қилади.
Аммо у мусиқа билан шуғулланиб, актёрлик карьерасини тарк этмайди. Унинг кино асарлари орасида “Давом этади” фантастик мелодрамаси, “Энг зўр ҳит” мусиқий комедияси, “Қасос дафтари” фантастик драмаси ва тарихий мелодрамалар ўрин олган.
Актёрга “Қалб гўзаллиги” сериали машҳурлик келтиради. Унинг бош қаҳрамони, ўрта мактаб ўқувчиси Лим Жу Чун камчиликларини пардоз билан яшириб мактабдаги энг келишган икки йигит билан учрашиб юради. Ўша икки йигитдан бирини Чха Ин У гавдалантирган. Айтганча, актёрнинг ўзи тез-тез журнал муқоваларида пайдо бўлади ва дунёга машҳур мода брендлари билан ҳамкорлик қилади.
5. Тхеген
Бу артист кинога мусиқий карьераси туфайли кириб келди — у 2PМ гуруҳи аъзоси. Аксарият ҳамкасбларидан фарқли ўлароқ, Тхеген нафақат келишган ва истеъдодли рэпер, балки яхши актёр ҳамдир. Унинг энг кўзга кўринган ролларидан бири “Винченсо” драмасида адвокат Хонг Ча Ен роли. Дастлаб, Тхеген томошабинларга омадсиз аҳмоқдек кўринади, аммо кейинроқ персонаж унчалик ҳам содда эмаслиги маълум бўлади. Айтганча, рол салбий ва ҳар доимгидек, яхши қизлар ёмон болаларни ёқтириб қолади. Шундай қилиб, Тхеген нафақат Корея, хорижий томошабинларнинг ҳам севимлисига айланди.
Бундан ташқари, у “Юлдузли 99 кун” ва “Ассемблея” драмалари, “Ўпаман, Китти”, “Илк етти бўса” комедик дорамалари, “Хоган оролидаги жанг” ҳарбий-тарихий фильми ва “Замонсиз уй” даҳшатли фильмида ҳам рол ўйнаган. Тхеген ўз муваффақиятини “Кўрлар” сериали билан мустаҳкамлади. Tриллер 2022 йилда чиқди ва актёр маняк жиноятини текшираётган детектив Рю Сон Жун ролини ўйнади. Шуни таъкидлаш керакки, бу корейс юлдузи романтик комедияларга эмас, балки жиддий жанрларга кўпроқ мойил.
Изоҳ (0)