Корейс сериаллари юлдузлари битта қисм учун қанча гонорар олади?

Корейс драмалари доимо юқори стандартлар асосида ишлаб чиқилиши ва турли жабҳаларни қамраб олиши туфайли бутун дунё бўйлаб мухлисларнинг сони ортмоқда ва, шу билан бирга, корейс актёрлари оладиган гонорар миқдори ҳам ошиб бормоқда. Бугунги мақолда нафақат томошабинларнинг ҳурмат ва эътибори, балки мўмай даромадга сазовор бўлган корейс актёрлари ҳақида маълумот тўпладик.

Ким Су Ҳён

Ҳар бир эпизод учун гонорар: 423 минг доллар (“Одатий кунларнинг бирида” номли сериалда олган даромади асосида)

Актёр Осиё халқлари орасида аллақачон жуда таниқли эди, аммо 2024 йилда намойиш этилган “Кўз ёшлар маликаси” драмаси унга кўплаб янги мухлисларни олиб келди ва Корея киносининг ёрқин тимсоли мақомини мустаҳкамлади. Бундан ташқари, Ким сўнгги уч йил давомида экранларда кўринмай қолгани туфайли кўплаб томошабинлар уни соғинган эди. Шу сабабли янги сериал премьераси шов-шувга бой тарзда бўлиб ўтди.

Ли Жонг Же

Ҳар бир эпизод учун гонорар: 248 минг доллар (Актёрнинг “Кальмар ўйини” сериалида олган даромади асосида)

Актёр Жанубий Корея кино оламига узоқ йиллар аввал кириб келган, аммо унинг бутун жаҳон миқёсида машҳурликка эришишига 2021 йилда Netflix томонидан суратга олинган “Кальмар ўйини” сабаб бўлган. Ли Жон Же бир нечта нуфузли мукофотларга сазовор бўлди ва турли брендлар у билан шартнома тузиш таклифлари билан чиқди. Актёрга бўлган талаб бугунги кунда ҳам ошиб бормоқда, чунки Ли Жон Же бутун дунё бўйлаб миллионлаб мухлислар кутаётган сериалнинг иккинчи мавсумида ҳам иштирок этади.

Сонг Жунг Ги

Ҳар бир эпизод учун гонорар: 228 минг доллар (“Чеболлар оиласининг кенжа ўғли” сериали учун олган даромади асосида)

Кореянинг машҳур актёрларидан бири Сонг Жунг Ги 2012 йилда “Бўри боласи” триллерида бош ролни ижро этиб, катта муваффақият қозонган. Бу вақт ичида у олти марта Forbesънинг 40 та энг нуфузли корейс юлдузлари рўйхатига киритилган ва тўрт марта кучли ўнталикка киритилган.

Ҳён Бин

Ҳар бир эпизод учун гонорар: 113 минг доллар (“Сирли боғ” сериалида олган маоши асосида)

Асл исми Ким Те Пҳён бўлган актёр Корея телевидениеси тарихидаги энг юқори рейтингга эга драмалардан бири — “Севгининг ҳалокатли қўниши” лойиҳасининг юлдузидир. Ҳён Бин узоқ йиллардан бери энг кўп маош олувчи корейс актёрларидан бири бўлиб келмоқда. Маълумотларга кўра, сўнгги йилларда унинг даромади янада ошган бўлиши мумкин, чунки фақатгина ўн йил аввал суратга тушган фильмдаги гонорар миқдори ОАВга маълум.

Ли Мин Хо

Ҳар бир эпизод учун даромад: 80 минг доллар

Ли Мин Хо Мадам Тюссо музейида мум ҳайкали ўрнатилган биринчи кореялик юлдуздир. Уни Instagram ижтимоий тармоғида 35 миллиондан ортиқ обуначи кузатади. Бу корейс актёрлари орасида рекорд кўрсаткич ҳисобланади. Бугунги кунда Ли Мин Хо фильм ва сериалларда суратга тушишда фаол давом этмоқда ва, шу билан бирга, ижтимоий тармоқлар ва брендлар рекламаси орқали яхши даромад олмоқда.