Жиззах вилоятининг Ғаллаорол туманидаги тўйхоналардан бирида табиий газдан ноқонуний фойдаланилди. Бу ҳақда Бош прокуратура матбуот хизмати хабар берди.
Маълум қилинишича, “А.А.С” ХК раҳбари И.А. корхонага қарашли тўйхона биносини ўзбошимчалик билан газ қувурига улаган.
Мазкур ҳолат юзасидан корхона раҳбари И.А.га нисбатан Жиноят кодексининг 169-моддаси 4-қисми “а” банди (ўғирлик жуда кўп миқдорда) билан жиноят иши қўзғатилиб, гумонланувчи шахс процессуал тартибда ушланган.
Газ ўғирлаётган оҳак цехлари
Март ойида Самарқанд вилоятининг Пахтачи туманида 4 млрд сўмлик табиий газдан ноқонуний фойдаланган яширин оҳак цехи фош этилганди. Апрелда эса Фарғонада 69,4 млн сўмлик табиий газдан ноқонуний фойдаланган оҳак цехи аниқланган.
Май ойида эса яна Фарғонада 289 млн сўмлик табиий газдан ноқонуний фойдаланиб, оҳак цехи ташкил этилганлиги аниқланган эди. Август ойида Самарқандда 3,3 млрд сўмлик табиий газдан ноқонуний фойдаланиб, оҳак цехи ташкил этган шахс ушланганди.
Сентябрда Фарғонада газдан ноқонуний фойдаланган оҳак цехи масъуллари давлатга 5,5 млрд сўмдан зиёд зарар етказди. Шу билан бирга, айнан Фарғона шаҳрида ноқонуний оҳак ишлаб чиқариш цехи ташкил қилиб, 544,6 млн сўмлик табиий газни ўғирлаганлар қўлга тушган эди.
Изоҳ (0)