«Ўзтрансгаз» АЖ Андижон вилояти ҳудудий газ таъминоти филиали 6-сон Шаҳрихон туманлараро участкаси Балиқчи туман бўлими мансабдор шахслари 2018 йилни октябрь—ноябрь ойларида Балиқчи туман «Алчазор» МФЙга тортилган L-2700 pIM масофадаги газ қувурини юқори босимли газ тақсимлаш қутиси (ГТҚ)га уланиш нуқтасини ўзбошимчалик билан узиб ташлаган. Бу ҳақда «Дарё»га Мажбурий ижро бюроси матбуот хизмати хабар берди.
Шундан сўнг юқори босимли газ тақсимлаш қутиси (ГТҚ)ни четлаб ўтиб, лойиҳа ва техник шарт талабларига зид равишда ер остидан тўғридан-тўғри Балиқчи АГТШдан Балиқчи туман марказига тортилган ер усти юқори босимли D-273 мм газ қувурига фуқаролар Миржало Жўраев, Хондамир Сатторов ва Соли Холиқов (исми ўзгартирилган)ларни ноқонуний уланишига шароит яратган.
Миржало Жўраев, Хондамир Сатторов ва Соли Холиқовлар газ тармоғига яширин тарзда, ер остидан уланиб, оҳак хумдонларида фойдаланиши оқибатида 4 миллиард 377 миллион сўм зарар келтириб чиқарган.
Олинганлар маълумотларга кўра, 2017—2018 йиллар ва 2019 йил январь апрель ойларида «Балиқчи автоматик газ тақсимлаш шохобчаси» орқали жами 24 619 678 метр куб табиий газ етказилган бўлиб, аҳоли ва улгуржи истеъмолчиларга 13 901 928 метр куб табиий газ сотилганлиги ҳажмлари ўртасида 10717750 метр куб тафовут аниқланган.
Мазкур тафовут таъминотчи корхона томонидан гўёки нореал қарздорлик деб баҳоланган ва ҳисоботларида шундай акс эттирилган.
Аслида эса бу нореал қарздорлик юқоридаги таъминотчи корхона шерик бўлган фуқаролар М.Ж., Х.С., С.Х.лар томонидан ер ости орқали табиий газ тармоғидан ўғринча фойдаланиш ҳисобига юзага келган, — дейилади хабарда.Мазкур ҳолат юзасидан МИБ Андижон вилояти бошқармаси томонидан 24 сентябрь куни таъминотчи корхона мансабдор шахслари ва бошқаларга нисбатан Жиноят кодексининг 185-моддаси 4-қисми билан жиноят иши қўзғатилиб, суриштирув ҳаракатлари олиб борилмоқда.
Изоҳ (0)