Қарши туманидаги иссиқхона табиий газдан ноқонуний фойдаланиб, 808 млн сўм зарар келтирди, деб хабар бермоқда “Ҳудудгазтаъминот”.
Қайд этилишича, барча ҳудудларда табиий газдан ноқонуний фойдаланиш ҳолатларини аниқлаш бўйича назорат тадбирлари давом эттирилмоқда. Мана шундан тадбирлардан бири “Ҳудудгаз Қашқадарё” ГТФ комплаенс назорат тузилмалари, “Қаршитумангаз” ГТБ ва ҳуқуқ-тартибот органлари ходимлари иштирокида Қашқадарё вилоятининг Қарши туманида ўтказилди.
Туманнинг “Батош” МФЙда жойлашган “Э.Т.Б.С.” МЧЖга қарашли иссиқхонада табиий газдан фойдаланиш ҳолати ўрганилганда истеъмолчи Давлат қиёслов кўригидан ўтказиш муддати ўтган ва Миллий Метрология институти хулосасига асосан носоз бўлган электрон газ ҳисоблаш ускунасидан фойдаланиб келаётгани аниқланди.
Ҳолат бўйича далолатнома тузилиб, табиий газ ҳажмлари қайта ҳисоб-китоб қилинди ва 808 миллион сўмлик зарар етказилгани маълум бўлди. Барча ҳужжатлар ҳуқуқни муҳофаза қилувчи органларга топширилди.
Газ ўғирлаётган иссиқхоналар
Изоҳ (0)