Мажбурий ижро бюроси Бекобод тумани бўлими шаҳардаги тўйхона табиий газдан ноқонуний равишда фойдаланиб келинганини аниқланди, деб хабар берди «Дарё»га бюро матбуот хизмати.
Маълум бўлишича, тўйхона раҳбари М.М. туманлараро газ таъминоти билан ҳеч қандай шартнома тузмасдан, ўзбошимчалик билан табиий газ тармоғига уланиб олган. Бекобод туманлараро газ таъминоти мутахассислари хулосасига кўра, ҳуқуқбузарлик оқибатида давлатга жами 78,1 миллион сўм зарар етказилган.
Қайд қилинишича, фуқарога Жиноят кодексининг 1852-моддаси 6-қисми мазмун моҳияти баённома асосида тушунтирилган бўлса-да, етказилган зарар ўттиз кунлик муддат ичида қоплаб берилмаган. Ҳолат юзасидан Жиноят кодексининг 1852-моддаси 3-қисми билан жиноят иши қўзғатилиб, ҳозирда мазкур жиноят иши юзасидан суриштирув ҳаракатлари олиб борилмоқда.
Изоҳ (0)