Германия Федератив Республикаси канцлери Олаф Шольц Украинада 30 кунлик сулҳ ғоясини қўллаб-қувватлашини билдирди. Бу ҳақда у ўзининг Х ижтимоий тармоғида саҳифасида ёзди.

“30 кунлик ўт очишни тўхтатиш ғояси Украинада адолатли тинчликка эришиш йўлидаги муҳим ва тўғри қадамдир. Биз Украина ва АҚШни қўллаб-қувватлаймиз ҳамда Жиддадаги учрашувда билдирилган таклифларни маъқуллаймиз”, дейди Шольц.
“Энди навбат Россия президенти Владимир Путинга”, дея қўшимча қилган канцлер.
АҚШ ва Украина делегациялари куни кеча Жиддада (Саудия Арабистони) бир неча соат давомида музокаралар олиб борди. Уларнинг якунларига кўра, Киев Украинадаги можарода 30 кунлик сулҳга рози бўлди.
Аввалроқ, Шольц АҚШ президенти Дональд Трамп украиналик ҳамкасби Владимир Зеленскийни “сайловсиз диктатор” деб атагани юзасидан муносабат билдирганди.
Изоҳ (0)