Украина президенти Владимир Зеленский 6 март куни Туркияга ташриф буюрган эди. Учрашувда Туркия зарурат туғилганда Украинага қўшин юборишга тайёрлигини таъкидлагани айтилмоқда. Бу ҳақда Reuters хабар берди.
Миссияга ҳисса қўшиш масаласи, агар у минтақавий барқарорлик ва тинчлик ўрнатиш учун зарур деб топилса, кўриб чиқилади ва барча тегишли томонлар билан ўзаро баҳоланади, деди Анқарадаги манба.
Европанинг асосий ҳарбий кучлари ҳисобланган Британия ва Франция келажакдаги тинчлик шартномасидан сўнг Украинада ўт очишни тўхтатишни назорат қилиш учун ўз қўшинларини жойлаштирни муҳокама қилган. АҚШ эса ушбу ҳаракатга қўшилмаслигини таъкидлаган.
Украинага кўра, ҳар қандай тинчлик келишуви хавфсизлик кафолатларини таъминлаш учун катта кучни талаб қилади. Россия НАТОга аъзо давлатлар ўз ҳарбийларини Украинага жойлаштиришига қарши. АҚШ президенти Дональд Трампнинг айтишича, келажакда Россия бунга рози бўлиши мумкин.
Туркия ҳарбийларининг жойлаштирилиши бўйича муҳокамалар концептуал бўлиб қолмоқда, аниқ қарорлар ҳали қабул қилинмаган, деди аноним турк манбалари.
Агар Туркия қўшинларини киритадиган бўлса, биринчи навбатда Украина ва Россия ўртасида ўт очишни тўхтатиш кучга кириши керак. Шунингдек, бу жараёнда жанговар бўлинмалар иштирок этиши лозим.
Туркия ОАВлари ўтган ҳафтада Украина президенти Владимир Зеленский ва Россия ташқи ишлар вазири Сергей Лавров билан эҳтимолий қўшин жойлаштиришни муҳокама қилгани ҳақида хабар берган эди.
Изоҳ (0)