Буюк Британиянинг Москвадаги элчихонаси вакили Британия дипломатларининг разведка фаолияти аломатлари учун аккредитациядан маҳрум этилгани муносабати билан Россия Ташқи ишлар вазирлигига чақирилди. Бу ҳақда 10 март куни Россия Ташқи ишлар вазирлиги маълум қилди.
“Россия Ташқи ишлар вазирлигига разведка фаолияти аломатлари туфайли аккредитациядан маҳрум этилгани муносабати билан Британиянинг Москвадаги элчихонаси вакили чақирилди”, дейилади хабарда.
Таъкидланишича, Федерал хавфсизлик хизмати ходимлари контрразведка ишлари давомида “Москвадаги элчихона ниқоби остида Буюк Британиянинг яширин разведкаси мавжудлигини” аниқлаган.
Махсус хизмат маълумотларига кўра, элчихонанинг иккинчи котиби Алкеш Одедра ва дипломатик ваколатхона сиёсий бўлими биринчи котибининг турмуш ўртоғи Майкл Скиннер мамлакатга кириш учун рухсат олишда Россия қонунчилигини бузган ҳолда нотўғри маълумотлар тақдим этган.
“Бундан ташқари, улар Россия Федерацияси хавфсизлигига таҳдид соладиган “разведка-қўпорувчилик фаолияти” билан шуғулланган. Шу асосда дипломатлар аккредитациядан маҳрум этилди ва улар икки ҳафта ичида Россияни тарк этиши шарт”, дейилади хабарда.
Изоҳ (0)