Buyuk Britaniyaning Moskvadagi elchixonasi vakili Britaniya diplomatlarining razvedka faoliyati alomatlari uchun akkreditatsiyadan mahrum etilgani munosabati bilan Rossiya Tashqi ishlar vazirligiga chaqirildi. Bu haqda 10-mart kuni Rossiya Tashqi ishlar vazirligi ma’lum qildi.
“Rossiya Tashqi ishlar vazirligiga razvedka faoliyati alomatlari tufayli akkreditatsiyadan mahrum etilgani munosabati bilan Britaniyaning Moskvadagi elchixonasi vakili chaqirildi”, deyiladi xabarda.
Ta’kidlanishicha, Federal xavfsizlik xizmati xodimlari kontrrazvedka ishlari davomida “Moskvadagi elchixona niqobi ostida Buyuk Britaniyaning yashirin razvedkasi mavjudligini” aniqlagan.
Maxsus xizmat ma’lumotlariga ko‘ra, elchixonaning ikkinchi kotibi Alkesh Odedra va diplomatik vakolatxona siyosiy bo‘limi birinchi kotibining turmush o‘rtog‘i Maykl Skinner mamlakatga kirish uchun ruxsat olishda Rossiya qonunchiligini buzgan holda noto‘g‘ri ma’lumotlar taqdim etgan.
“Bundan tashqari, ular Rossiya Federatsiyasi xavfsizligiga tahdid soladigan “razvedka-qo‘poruvchilik faoliyati” bilan shug‘ullangan. Shu asosda diplomatlar akkreditatsiyadan mahrum etildi va ular ikki hafta ichida Rossiyani tark etishi shart”, deyiladi xabarda.
Izoh (0)