27 февраль куни АҚШ президенти Дональд Трамп ва Буюк Британия бош вазири Кей Стармер Оқ уйда учрашув ўтказди.
Сиёсатчилар Россиянинг Украинага қарши урушини муҳокама қилди. Трамп суҳбат чоғида АҚШ Украина ва Россия билан “яхши музокаралар” ўтказганини таъкидлаган. Шу туфайли тинчлик келишуви масаласида сезиларли ютуқлар борлигини айтган.
Британия бош вазири “тинчликка эришишнинг ягона йўли бўлгани учун ҳарбийларни тинчликпарвар сифатида юборган ҳолда барча чораларни кўришга тайёр” эканини таъкидлади.
Мен Европа раҳбарлари билан яқиндан ҳамкорлик қилмоқдаман ва шуни аниқ айтаманки, Буюк Британия иттифоқчиларимиз билан биргаликда келишувни қўллаб-қувватлаш учун қуруқликдаги қўшинларни юборишга ва самолётларни ҳавога кўтаришга тайёр, чунки бу тинчликнинг бардавом бўлишининг ягона йўлидир, дея қўшимча қилди у.
Шу билан бирга Британия бош вазири Кей Стармернинг Дональд Трамп олдида ўзини ишончсиз тутгани турли муҳокамаларга сабаб бўлди.
Тармоқларда тарқалган видеода Трамп ишонч билан Стамернинг қўлини сиқаётгани, Британия бош вазири эса ёш боладек қимтиниб тургани акс этган.
“Мен видеони бир неча марта кўриб чиқдим. Тана тилидаги фарқ жуда катта. Стармер асабий. Трамп эса ишончли лидер сифатида кўзга ташланган” деб ёзди Х ижтимоий тармоғидаги фойдаланувчилардан бири.
Яна бир фойдаланувчи эса Трамп—Стармер учрашувини “қўрқиб турган кичкина бола билан музокара устасининг учрашуви”га қиёслаган.
Қуйида мазкур видео тагидаги яна бир қатор эътиборга молик изоҳлар келтирилган.
“Стармер ўз кумирини эндигина учратган мухлисдек ҳаракат қилмоқда... Уят...У ўзини чимчилаб, ҳатто у ерда эканлигидан ҳайратда бўлса керак...”
“Стармер асабийлашмоқда. Дональд — чемпион”
“Стармер хижолатдан кафтини ишқаламоқда. Биласизми, у онасига қўнғироқ қилмоқчи бўлган болага ўхшайди”
“Трамп моҳир дипломат, музокарачи, стратег ва уста”
“Стармер Трампнинг қўлига ёки елкасига уришда давом этмоқда. Гўё улар жуда яхши дўстлар. Лекин бу ундай эмас”
“Мен Стармернинг ҳеч кимга бундай қилганини кўрмаганман. У Америка президенти билан қандай муомала қилишга ўргатилганга ўхшайди”
“Стармернинг ҳаракатлари сохта ва нотабиий”
“Стармер Трампни қучоқлашга уринди, лекин президент Трамп уни ушлаб қолди!”
Изоҳ (0)