Жиззахда ноқонуний диний видео ва аудио материалларни тарқатиб келган 19 ёшли йигитга суд ҳукми ўқилди. Бу ҳақда “Замон” информацион дастурида хабар қилинди.

Маълум бўлишича, фуқаро 2022 йилнинг сентябрь ойидан бошлаб террорчилик ташкилотларининг етакчилардан Ўзбекистон ҳудудида халифалик ташкил этишга қаратилган ақидапарастлик ғояларига асосланган материалларни тинглаб, ижтимоий тармоқларда тарқатиб келган.
Жиноят ишлари бўйича Мирзачўл туман судида кўрилган ушбу ишда айбланувчига нисбатан 9 йилга озодликдан маҳрум қилиш жазосини тайинлаш сўралди.

“Намоз ўқигандан бунақа ёмон ният чиқмайди деб ўйлагандик. Ичмайди, чекмайди, ёмон йўлга кирмайди деб, ўзимиз ҳам билмай қолдик”, деган айбланувчининг онаси.
Судланувчига нисбатан Жиноят кодексининг тегишли моддаларига асосан 5 йил-у 2 ойга озодликдан маҳрум қилиш жазоси тайинланди.
Изоҳ (0)