Қўшма Штатлар молия вазири Скотт Бессент АҚШда Россияга нисбатан санкциялар режимини юмшатиш ёки кучайтириш имконияти кўриб чиқилаётганини маълум қилди.
Санкциялар режими у ёки бу томонга “тартибга солиниши” мумкинми, деган саволга жавобан, вазир бу воқеаларнинг эҳтимолий ривожланишининг жуда “яхши талқини” эканлигини айтди. Унинг қўшимча қилишича, президент Трамп “можаро тезроқ якунланишига тўлиқ содиқ”.
Кетма-кетлик шундай: украиналикларни иқтисодий алоқалар орқали АҚШга яқинлаштириш, Америка халқини, Америка жамоатчилигини ишонтириш, уларни ўз томонига оғдириш, дея Бессентнинг сўзларидан иқтибос келтиради Bloomberg.
Унинг қўшимча қилишича, шундан сўнг русларни музокаралар столига чорлаб, агар керак бўлса, санкцияларни кучайтириш ҳақида айтиш мумкин. Бессентнинг сўзларига кўра, АҚШнинг Украинадаги жиддий иқтисодий манфаатлари унинг учун “хавфсизлик қалқони” бўлади.
Интервьюда вазир Зеленскийнинг “Трамп Украина атрофидаги вазият тўғрисида нотўғри маълумотга эга” эканлиги ҳақидаги баёнотларини “ўта ноўрин” деб атади ва АҚШ етакчисининг Украинада сайловлар ўтказиш зарурлиги ҳақидаги фикрини такрорлади.
Эҳтимол, Украина демократик жараёнда олдинга силжиши керак, деди у.
“Россия Украина бўйича музокаралар столига қайтишга тайёр” — Путин
Россия етакчисининг сўзларига кўра, Украина Ар-Риёдда Россия ва АҚШ делегациялари учрашувида иштирок этмагани учун “ваҳимага тушишга” асос йўқ, чунки Киевни ҳеч ким музокаралар жараёнидан четлатмаяпти.
Россия ҳеч қачон Украина билан музокаралар жараёнидан бош тортмаган. Аксинча, ҳамкорларимиз музокараларни рад этди, европаликлар Россия билан алоқани тўхтатди, Украина томони эса ўзига музокаралар олиб боришни тақиқлади, Истанбулдаги музокаралар жараёнидан чиқди ва буни очиқчасига эълон қилди, деди Путин журналистларга.
Россия етакчисининг аниқлик киритишича, Дональд Трамп телефон орқали мулоқот чоғида музокаралар жараёни Россия ва Украина иштирокида ўтишини таъкидлаган.
Путинга кўра, у Дональд Трампга Россия–Украина можаросини қисқа вақт ичида ҳал қилишнинг иложи йўқлиги ҳақида айтган, Америка президенти эса бу борада кўпроқ маълумот олгач, “ўз позициясини ўзгартирган”.
Ҳа, олти ой кераклигини айтдим. Ҳозир муддатлар ҳақида гапирмаймиз. Лекин бу табиий, бу ерда айтарли ҳеч нарса йўқ, деб тушунтирди Путин.
Изоҳ (0)