Россия Қуролли кучлари Украина ҳарбийлари томонидан босиб олинган Курск вилояти ҳудудининг қарийб 64 фоизини ўз назоратига қайтарди. Бу ҳақда Россия Қуролли кучлари Бош штабининг Оператив бошқармаси бошлиғи, генерал-полковник Сергей Рудской хабар берди.
-RVm5WFg2.jpg)
Украина Қуролли кучлари назорати остидаги Курск вилояти ҳудуди икки баравардан кўпроқ қисқартирилди. 800 квадрат километрдан ортиқ ҳудуд озод қилинди, бу душман эгаллаб олган дастлабки ҳудуднинг (1 268 квадрат километр) қарийб 64 фоизини ташкил этади, деди у.
Рудскийнинг даъвосига кўра, ҳозирда Россия қўшинлари Курск вилоятида барча йўналишларда олдинга силжимоқда, Украина армияси эса “катта йўқотишларга учраб, ўз позицияларидан чекинмоқда”.
Бошқа нарсалар қаторида, россиялик генерал 2024 йилда Украинанинг урушдаги йўқотишлари бўйича Россия ҳисоб-китобларини ҳам келтирди:
590 минг ҳарбий ҳалок бўлган ва яраланган, деди у.
Таққослаш учун: 4 февраль куни Украина президенти Владимир Зеленский британиялик журналист Пирс Морганга берган интервьюсида унинг мамлакати Россияга қарши мудофаа урушида 45 100 нафар ҳарбийни йўқотганини айтганди. Бундан ташқари, 390 минг ярадор қайд этилган.
Россиянинг йўқотишларига келсак, Зеленскийнинг сўзларига кўра, Украинага босқин пайтида 350 мингга яқин россиялик ҳалок бўлган, яна 600-700 минг киши яраланган.
Изоҳ (0)