Европа иттифоқи Россиядаги 2 мингдан ортиқ шахс ва ташкилотларга нисбатан санкцияларни келаси йилнинг 15 мартигача узайтирди. Бу ҳақда Европа иттифоқи кенгаши баёнотида маълум қилинди.
“Бугун Европа иттифоқи кенгаши Украинанинг ҳудудий яхлитлиги, суверенитети ва мустақиллигига путур етказган ёки унга таҳдид солган шахсларга нисбатан чеклов чораларини яна олти ойга, 2025 йил 15 мартгача узайтиришга қарор қилди”, дейилади ҳужжатда.
Европа иттифоқининг мазкур санкциялари 2014 йилдан бери амал қилади. Аввалроқ Америка Қўшма Штатлари Россиядаги 400 нафар жисмоний ва юридик шахсларга нисбатан санкциялар жорий қилгани хабар берилганди.
“АҚШ Молия вазирлиги ва давлат департаменти Россияда ва хорижда, жумладан, Осиё, Европа ва Яқин Шарқда Россиянинг ҳарбий саъй-ҳаракатларини қўллаб-қувватлаш, шунингдек, санкцияларни четлаб ўтиш имконини берувчи товар ва хизматлар ишлаб чиқарадиган 400 га яқин жисмоний ва юридик шахсларга нисбатан санкция қўлламоқда”, дейилади баёнотда.
Америка санкциялари Россия, Беларусь, Италия, Швейцария, Австрия, Хитой ва Туркия фуқаролигига эга бўлган шахсларга таъсир кўрсатади.
Изоҳ (0)