Россия ва Россия фуқароларига қарши санкциялар қўйган давлатларга максимал даражада зарар етказиш учун ҳар куни ҳаракат қилиш керак. Бу ҳақда Россия Хавфсизлик кенгаши раиси ўринбосари Дмитрий Медведев Telegram каналида маълум қилди.
Медведев, шунингдек, зарар келтириши мумкин бўлган ҳамма нарсада — иқтисодиёт, муассасалар, ҳукумат, фуқаролар фаровонлиги ва келажакка ишончга зарар етказишга чақирган.
Бунинг учун, унинг фикрича, уларнинг иқтисодиётида заиф нуқталарни излаш, компаниялар ва давлат институтлари фаолиятини фалаж қилиш, уларнинг энергетика, саноат, транспорт, банк ва ижтимоий хизматларни йўқ қилиш, энг муҳим технологияларда муаммоларни топиш ва уларга зарба бериш керак.
Бундан ташқари, Хавфсизлик кенгаши раиси ўринбосари Ғарб мухолифларига ҳозирча ядро қуролидан ташқари барча мумкин бўлган қурол турларини беришни таклиф қилган.
Муниципал ҳокимиятни тартибсизлантиришга ёрдам бериш, космик соҳага ҳар томонлама зарар етказиш ва медиа соҳасига ҳужум қилиш керак, — дейди Медведев.
12 июнь куни АҚШ Молия вазирлиги Москва биржасига қарши санкциялар жорий қилди. Санкция рўйхатига, шунингдек, Россия, Хитой ва Молдовадан 33 нафар шахс ва 200 дан ортиқ тузилма киритилган.
Изоҳ (0)