Кўплаб блокбастер ва драмалардаги роллари туфайли машҳур бўлган, суратга олиш майдончасида бир неча марта ўзини хавф остига қўйган америкалик актёр ва продюсер Том Круз “Уддалаб бўлмас топшириқ” франшизасининг саккизинчи қисми устида ишламоқда.
У суратга олиш вақтида — осмонда олинган кадрларнинг бирида ҳушидан кетиб қолгани ҳақида сўзлаб берди. Том Круз парвоз пайтида бипландан ташқарига чиқиб кетади ва учувчининг кабинаси томондан осилган ҳолатда ҳаёт учун курашади:
Актёрнинг сўзларига кўра, мазкур трюк учун Круз махсус нафас олиш машқларини ўрганишга мажбур бўлган, чунки 3000 километр баландликда ва 200 км/соат тезликда учиш чоғида одатий нафас олишнинг иложи бўлмайди ва осмонда кислород етишмай қолади.
Бундай хатарли трюк ва тўхтовсиз суратга тушиш ишлари Том Круз жисмоний ҳолатига салбий таъсир кўрсатган ва унинг ҳушидан кетишига олиб келган.
“Ўша лаҳзада ҳис қилган стрессни ўйласам, кўнглим орқага тортади” дейди актёр Empire нашрига берган интервьюсида.
Аммо режиссёрнинг сўзларига кўра, бу фильмдаги энг хавфли трюк эмас. Кристофер Маккуаррининг айтишича, янги лойиҳада Том Круз янада ақл бовар қилмайдиган ишларни бажарган. “Уддалаб бўлмас топшириқ 8: якуний ҳисоб-китоб” фильмининг премераси 2025 йил 23 май куни бўлиб ўтиши кутилмоқда.
Изоҳ (0)