Инсоннинг ижтимоий мавқейи ва машҳурлик даражасидан қатъи назар, руҳий саломатликка салбий таъсир кўрсатадиган вазиятлар содир бўлади. Қуйида Голливуд актёрларидан қайси бири руҳий касалликлар шифохонасида ётганини ва уларни бундай ҳаётга нима олиб келгани ҳақида гаплашамиз.
Анжелина Жоли
2018 йилда Анжелина Жоли психиатрлар ёрдамига мурожаат қилиб, анорексия ва булимияни даволаш билан шуғулланадиган клиникага ётқизилган. Актрисанинг овқатланиш билан боғлиқ жиддий муаммолари бор эди — бўйи 169 см бўлса-да, у атиги 44 кг вазнга эга эди. Аммо ортиқча вазн ҳақидаги ўй-фикрлар уни безовта қилишда давом этади.
Жоли касалхонада икки ҳафта ётади — унинг аҳволи нормаллашгунча “Малефисента”нинг иккинчи қисмини суратга олишни тўхтатишга тўғри келади.
Жим Керри
Экранда Жим Керрини ҳазилкаш қиёфасида кўришга ўрганиб қолганмиз, лекин маълум бўлишича, масхарабоз ниқоби ортида антидепрессантларга қарам бўлган заиф одам яширинган. Депрессия хуружлари шунчалик кучли бўлганки, ҳатто таблеткалар ҳам ёрдам беролмаган пайтлар ҳам бўлган. 2015 йилда Жимнинг собиқ севгилиси Катриона Уайт у билан ажрашганидан бир ҳафта ўтгач, ўз жонига қасд қилганида, бу актёрнинг руҳий ҳолатига таъсир қилади. Шифокорлар юлдузга шизофрения ташхисини қўйишади. Психиатрия клиникасида тинч шароитда даволаниш ижобий натижа беради — Жим нормал ҳаётга қайтади.
Жерард Батлер
“300 спарталик” жангари фильми Жерард Батлерни руҳий касалликлар шифохонасига олиб боради. Ҳамма гап фильмни суратга олиш вақтида олган кўплаб жароҳатларидан сўнг актёр ўрганиб қолган оғриқ қолдирувчи воситаларда эди.
Яхшиямки, Батлер муаммосини вақтида англаб етади ва мутахассисларсиз кучли таъсир қилувчи дорилардан қутулолмаслигини тушунади.
Том Круз
“Уддалаб бўлмас топшириқ”, “Ёмғир одам” ва “Вампир билан интервью” фильмларининг юлдузига 2012 йилда учинчи рафиқаси Кети Холмс билан расман ажрашиши шу қадар қаттиқ таъсир қиладики, унинг руҳий ҳолати издан чиқади. Натижада актёрнинг яқинлари хавотирга тушиб қолишади — уларнинг қистови билан Том реабилитация учун руҳий касалликлар клиникасига ётади, бу эса тез орада ўз самарасини беради.
Кетрин Зета-Жонс
“Чикаго” ва “Зорро ниқоби” юлдузи Кетрин Зета-Жонс 2011 йилда Коннектикут штатидаги Силвер Ҳилл руҳий касалликлар шифохонасига депрессив психоз ташхиси билан ётқизилган. Актрисанинг турмуш ўртоғи Майкл Дуглас томоқ саратонига чалингач, у ҳам касал бўлиб қолади, бу Кетрин учун катта зарба бўлади.
Бу актрисанинг клиникага ётқизилган ягона ҳолати эмас — у биполяр бузилишдан азият чекади, шунинг учун кескин депрессия хуружларини бошдан кечиради.
Дрю Берримор
Актриса Дрю Берриморнинг руҳий муаммолари болалигидан бошланган. Алкоголь ва гиёҳванд моддаларга ҳаддан ташқари эрта қарамлиги туфайли (Дрю 13 ёшидан бери гиёҳвандликдан азият чекарди) унинг заиф руҳияти бузилади. Бўлажак юлдуз ўз жонига қасд қилмоқчи бўлган ва шу сабабли психиатрия бўлимига тушиб қолган. 1990 йилда актриса ҳаётининг ўша қийин даври ҳақида “Йўқолган қизча” китобини ёзади.
Кейинчалик Берримор яна психиатрларга мурожаат қилади, аммо бу сафар ўз ихтиёри билан — у мустақил равишда клаустрофобиядан қутула олмайди ва махсус даволанишдан ўтади.
Изоҳ (0)