Кимгадир актёрлик касби ҳаддан ташқари оддий туюлади. Аслида эса актёрлар ва актрисалар том маънода ўз роллари билан яшайди. Улар чидаб бўлмас шароитларда суратга тушишади, соатлаб бир саҳнани қайта суратга олишади, баъзан эса ҳашаротларни ейишга ҳам тўғри келади.
Розамунд Пайк
“Йўқолган аёл” картинасида жуда кўп оғир ва баҳсли саҳналар бор. Улардан бирида Розамунд пичоқ ишлатишга мажбур бўлади. Пичоқни яхши ишлатишни қассобдан ўрганади. Актриса ролини ишонарли ўйнаши учун ҳар куни гўшт майдалайди.
Жуд Лоу
“Қиролича ўйини” картинасида актёр жуда бадбўй ҳидли атирлардан фойдаланган. Маълум бир касалликларга чалинган қаҳрамонини ишонарли ўйнаши учун актёр ролга тўлиқ сингиб кетишни хоҳлайди. “Мен Генрих оёғидаги яралардан азобланганини ўқиганман, шунинг учун ундан кўнгилни айнитадиган ҳид келган”, дейди актёр.
Дуэйн Жонсон
“Геркулес” фильмида актёр образини иложи борича ҳақиқатга яқинроқ қилиб ўйнашни хоҳлайди. Шунинг учун афсона қаҳрамони занжирдан бўшалишга уринган саҳнада ҳақиқий занжирлардан фойдаланилган — буни актёрнинг ўзи талаб қилган. Актёр мазкур саҳнани суратга олиш жараёнида бир неча бор ҳушидан кетганини айтади.
Даниэль Дей-Льюис
“Ню-Ёрк тўдалари”даги роли учун Дениел чех тилини, каное ясашни, бокс тушишни ўрганади. Бундан ташқари, ювинишдан бош тортади, кулбада яшайди, суратга олишдан бўш вақтларида Эминемнинг қўшиқларини тинглайди.
Том Круз
“Иштирокчи” картинаси — актёр ёвуз одам ролини ўйнаган камдан-кам роллардан биридир. Жиноятчига айланиш учун Том кўзга ташланмасликни ўрганишга қарор қилади. Бунинг учун у кийимларини ўзгартириб, шаҳар кўчаларига чиқар ва ўзини курер қилиб кўрсатади.
Энн Хетеуэй
Энн “Сени ўйлаб” фильмининг сўнгги қисмини суратга олишдан олдин қаттиқ касал бўлиб қолганини айтади. Унинг аҳволи шу қадар ёмон эдики, фильм ижодкорлари саҳнани охиригача суратга ололмаймиз, деб ўйлашади. Вазиятни қўлга олган актрисанинг партнёри жуда баланд овозда мусиқа қўяди ва “барчага қувват бахш этади”. Энн эса ўзини ёмон ҳис қилишига қарамай, ролини ижро этишга ўзида куч топади.
Остин Батлер
“Дюна”нинг иккинчи қисмида салбий қаҳрамонлардан бирини ўйнаган актёр суратга олиш баъзан жазирамада бўлганини айтади. Унинг айтишича, ҳаво ҳарорати 43 даражага етиб, бутун жамоа деярли эриб кетай деган. Айниқса, бошида ясама сочи бўлиб, теварак-атрофи қизиган бетон девор билан ўралган саҳналарда Остин жуда қийналган.
Николас Кейж
“Вампир бўсаси” фильмидаги лавҳалар аллақачон мемларга айланган. Лекин актёр ҳалигача пушаймон бўлаётган ишни қилишга мажбур бўлганини кўпчилик билмайди. Гап шундаки, сценарий бўйича у суваракни ейиши керак эди. Гарчи актёр бундан жирканса ҳам, шундай қилади. Бунинг устига, мазкур кадрни бир неча марта суратга олишга тўғри келади.
Эмма Стоун
Актрисанинг айтишича, у “Янги ўргимчак одам: Юқори босим” фильмини суратга олиш пайтида жиддий жароҳат олган. Гап юлдуз трюклар ижро этадиган махсус қурилмада эди. У шунчалик ноқулай эдики, актрисанинг танасида гематомалар пайдо бўлади.
Натали Портман
“Қора оққуш” фильмини суратга олиш пайтида юлдуз қовурғасини синдириб олади. Суратга олиш майдончасида шифокор йўқ эди, шунинг учун режиссёр бошқача йўл тутишга қарор қилади.
Фильмда шундай бир кадр борки, шифокор бош қаҳрамонни кўздан кечиради, у эса азобланади. Маълум бўлишича, Натали ҳақиқий шифокор томонидан кўрикдан ўтказилган, ўша пайтда унинг ҳис-туйғулари ҳақиқий эди. Яъни Портман оғриқдан азобланган саҳнада рол ўйнамаган.
Изоҳ (0)