Кўплаб блокбастер ва драмалардаги роллари туфайли машҳур бўлган америкалик актёр ва продюсер Том Круз Гластонбери фестивалига ташриф буюрди. 62 ёшли актёр қўлидаги жароҳат Круз мухлисларининг эътиборини тортди.
Тадбирда Том ўзини ҳеч қандай жиддий ҳолат содир бўлмагандек тутди, аммо актёр қўлининг кўрсаткич бармоғи атрофига шикаст етган эди. Унинг сурати Метро нашри томонидан чоп этилди. Гарчи манбада актёрнинг қандай жароҳат олгани аниқ айтилмаган бўлса-да, Mirror журналистлари у “Уддалаб бўлмас топшириқ” фильмининг давомини суратга олиш пайтида жароҳатланган бўлиши мумкинлигини ёзмоқда. Барчага маълумки, Круз ўзи ижро этган фильмларда мураккаб каскадёрлик трюкларини мустақил бажаришни истайди.
Янги фильмнинг аксарият қисми Лондонда суратга олинган. Ҳозирда лойиҳа ишлаб чиқаришнинг айнан қайси босқичида эканлиги маълум эмас. Раҳбарият сўзларига кўра, фильм суратга олиш учун керак бўлган қимматбаҳо ускунанинг бузилгани сабабли барча ишлар номаълум муддатга қолдирилган.
Изоҳ (0)