Улар истеъдодли, машҳур ва келишган. ГеексфорГеекс портали турли сўровлар асосида 2024 йилда дунёдаги энг келишган машҳур эркаклар рейтингини тузиб чиқди. Улар нафақат ўзининг ажойиб кўриниши билан жамоатчилик эътиборини тортадиган, балки ўз соҳаларида эътирофга эришган одамлардир.
Ким Тхе Ҳён
Ким Тхе Хён, V (Ви) номи билан танилган, жаҳон мусиқа саноатининг юлдузи, Жанубий Кореянинг BTS гуруҳи аъзоси. 28 ёшли ижрочи кўпинча турли хил рейтингларга киритилади, шунингдек, К-поп саноатида танқили шахс ҳисобланади.
У 2016 йилда актёр сифатида дебютини “Хваран аскари” драмасида иккинчи даражали ролни ижро этган. V ўз фаолияти давомида иккита корейс драмаси учун тижорий жиҳатдан муваффақиятли саундтреклар, шунингдек, яккахон хитлар чиқарди. Унинг 2023 йил 8 сентябрда чиқарилган расмий яккахон дебюти “ЭП Лаёвер” оригиналлиги ва вокал маҳорати учун жаҳон танқидий эътирофига сазовор бўлди ва бутун дунё бўйлаб бир қанча рекордларни ўрнатди.
Мусиқачи ва актёр ҳозир армияда хизмат қилмоқда, бу унинг мухлисларнинг кумири бўлиб қолишига тўсқинлик қилмайди. Ким Тхе Хён 2023 йил декабрь ойида ҳарбий хизматни бошлаган. Бошқа барча BTS аъзолари ҳам ўзларининг ҳарбий вазифаларини бажаради. Гуруҳ 2025 йилда армиядан қайтгач, мусиқага қайтиши кутилмоқда.
Роберт Паттинсон
Британиялик актёр ва модел Роберт Паттинсон “Сумерки” сагасида чиққандан кейин машҳур бўлди. Кейинчалик у 2022 йилда “Бетмен” фильмида Брюс Уэйн/Бетмен ролини ижро этди. Паттинсонни машҳур қилган — унинг классик юз хусусиятлари ҳисобланади. Тадқиқотларга кўра, у 2020 йил версиясига кўра сайёрадаги энг жозибали одам. Буни аниқлаш учун косметик жарроҳ Жулиан Де Сильва “олтин нисбат”га мос келадиганларни қидириб, машҳурларнинг юзларини баҳолаш учун компьютер хариталаш технологиясидан фойдаланган. Паттинсоннинг ташқи кўриниши мукаммалликка энг яқин бўлиб чиқди.
Девид Бекҳэм
Собиқ профессионал футболчи, мода рамзи ва “Интер Майами” футбол клуби эгаси Бекхем спорт карьераси билан машҳур, айниқса “Манчестер Юнайтед” (Англия) ва Мадриднинг “Реал”ида ўйнаган даврларида танилган. Футболчи ҳеч қачон ташқи кўриниши билан тажрибалар ўтказишдан чўчимаган ва энг ғалати соч турмакларини — ирокез ва думчалардан тортиб, ўримлар ва оқартирилган сарғиш сочларгача намойиш этган. Бекхем кўпинча юз тузилишининг мутаносиблиги ва атлетик гавдаси туфайли дунёдаги энг келишган ўнта эркак қаторига киради.
Ҳозир у 49 ёшда. Спортчи ва Spice Гирлс аъзоси Виктория Адамс 1997 йилда танишган ва 1999 йил июль ойида турмуш қуришган. Уларнинг тўрт фарзанди бор — Бруклин Жозеф (1999), Ромео Жеймс (2002) ва Круз Девид (2005), шунингдек, қизи Харпер Seven (2011).
Ритик Рошан
Ҳинд актёри, энг яхши эркак роли учун бир неча бор Фильмфаре мукофоти совриндори, ҳинд киносининг машҳур актёрларидан бири. Юлдузни унинг бўртиб чиққан тана тузилиши ва кучли ияк чизиғи туфайли “Ҳиндистоннинг юнон худоси” деб аташади. У узун сочи, баланд бўйи ва қўнғир-яшил кўзлари билан мукаммаллик тимсоли ҳисобланади. Ҳинд актёри ўзининг ажойиб рақс маҳорати ва жозибадор ташқи кўриниши билан ҳам танилган.
Крис Эванс
Америкалик актёр Крис Эванс Marvel кино оламидаги Капитан Америка роли билан машҳур. Блокбастерлардан ташқари, Эванс “Қинидан чиққан пичоқлар” детектив фильмида, “Жейкобни ҳимоя қилиб” триллерида, “Иқтидорли” драмасида ва бошқа фильмларда рол ўйнаган.
Унинг бақувват гавдаси суперқаҳрамонлик ролларида яққол кўринади. Капитан Америка ролини ижро этиш учун Крис Эванс спорт залида кўп вақт ўтказишига ва мушак массасини сезиларли даражада оширишига тўғри келади. Машғулотлар ҳафтасига олти кун — душанбадан шанбагача давом этади, якшанба эса тикланиш куни бўлади. Атлетик қомати ва мафтункор табассуми уни дунёдаги энг жозибадор актёрлар ва аёл мухлисларнинг севимли юлдузлари қаторига киритган.
Яқинда 43 ёшли Marvel юлдузи Крис Эванс португалиялик актриса Альба Баптистага яширинча уйланди.
Том Круз
Америкалик актёр, кинорежиссёр, сценарий муаллифи ва продюсер “Моҳир мерган”, “Уддалаб бўлмас топшириқ” ва бошқа жанговар фильмлардаги роллари туфайли экран юлдузига айланди.
У 62 ёшида ҳам жозибали кўринишга эга ва экрандаги кўплаб трюкларни ўзи бажаради, бу эса унинг фильмларига ишончлилик даражасини оширади. Актёр ҳали ҳам дунёнинг энг чиройли эркакларининг турли рейтингларидан тушмайди.
Том Круз уч марта уйланган. Унинг биринчи севгилиси актриса Мими Рожерс бўлиб, у билан ажрашгандан сўнг 1990 йилда актёр Никол Кидманга уйланади. Бу никоҳдан унинг иккита асраб олинган фарзанди бор ва муносабатлар 2001 йилгача давом этган. Учинчи рафиқаси актриса Кети Холмс бўлиб, у билан 2006 йилда Крузнинг қизи Сури туғилди. Эр-хотин 2012 йилда ажрашишган.
Крис Хемсворт
Крис Хемсворт — австралиялик актёр, Marvel кино оламидаги Тор ролидан кейин юлдузга айланган: у “Тор”, “Қасоскорлар”, “Тор 2: зулмат қироллиги”, “Қасоскорлар: Алтрон даври”, “Тор: Рагнарёк”, “Қасоскорлар: абадият жанги” фильмларида ўйнаган.
Хемсвортнинг баджаҳл кўриниши, мушакдор қадди-қомати ва жозибадор табассуми ҳамманинг эътирофига сазовор бўлди. Актёрнинг юзи 93,53 фоиз стандартга мос келади. Унинг жозибадор ташқи кўриниши актёрлик маҳорати билан биргаликда Хемсвортни кино саноатида машҳур шахсга айлантирди. Унинг роллари кўпинча юқори даражадаги жисмоний тайёргарликни талаб қилади, актёр буни қатъий машғулот режимлари ёрдамида ушлаб туради.
Изоҳ (0)