Яқин қариндош эканликларини кўпчилик билмайдиган машҳур актёрлар (фото)

Мазкур Голливуд актёрларини нафақат биргаликда суратга тушган фильмлари, балки яқин қариндошчилик ришталари ҳам боғлаб туради.

Жулиа Робертс — Эмма Робертснинг холаси

Робертс — кенг тарқалган фамилия бўлгани билан кино мухлислари Эмма ва Жулия шунчаки бир хил фамилияли эканлигини тан олишмайди. Аслида “Гўзал аёл” ва “Ноттинг Ҳилл” фильмлари юлдузи “Қичқириқ қироличаси” сериали юлдузининг холаси ҳисобланади. Эътиборли жиҳати шундаки, айнан Жулия Эммада кинога бўлган муҳаббатни уйғотган. Бўлажак актриса доимо суратга олиш ишлари билан банд бўлган холаси билан вақт ўтказарди. 

Шу билан бирга, Эмманинг онаси қизининг болалигиданоқ ҳаётини экран билан боғлаб қўйишидан хавотирда эди. Шунинг учун у Эмманинг қизиқиши шунчаки оддий ҳобби бўлиб қолишига умид қиларди. Бироқ онасининг истагига қарамай, Эмма 9 ёшидан бошлаб кинофильмларда суратга туша бошлади.

Дензел Вашингтон — Жон Девид Вашингтоннинг отаси

Дензел Вашингтон “Машғулот куни”, “Ғазаб”, “Гангстер” ва “Илай китоби” каби фильмлари билан машҳур. “Малколм Икс” фильмида Дензел ўғли Жон билан рол ўйнаган, аммо уни ҳеч ким пайқамаган, чунки у оммавий саҳнада иштирок этган. Ўшандан бери Жон ҳақида у футболчи бўлганидан ташқари кўп нарса маълум эмас эди. Аммо кутилмаганда 2017 йилда у кинода рол ўйнай бошлади ва 2018 йилда Жон бош ролни ўйнаган машҳур “Қора клан” фильми экранларга чиқди.

Жейми Ли Кертис — Жанет Ли ва Тони Кертиснинг қизи

1951 йилда “Психо” фильми билан танилган Жанет Ли ва “Жазда фақат қизлар” фильми билан машҳур бўлган Тони Кертис турмуш қуришади. Орадан 7 йил ўтгач, уларнинг фамилиясини олган қизи Жейми туғилади. Жейми мактабни тугатгандан кўп ўтмай кинода суратга тушишни бошлайди ва атиги 19-20 ёшида “Ҳеллоуин”да ўйнаб, тезда муваффақиятга эришади. Ўшандан бери у франшизанинг ажралмас қисмига айланади, шунингдек, “Ҳақиқий ёлғон” ва “Жой алмашиш” фильмларида рол ўйнайди.

Уаятт Расселл ва Кейт Хадсон — опа-ука

“Борт ортида” ва “Қушча” фильмларида рол ўйнаган Голди Хоун 1979 йилда мусиқачи Билл Хадсондан қизи Кейтни дунёга келтиради, у бир йил ўтгач, романтик комедия фильмларида, хусусан, “10 кун ичида қандай қутулиш мумкин” ва “Келинлар жанги” фильмларида иштирок этади. Тўрт йил ўтгач, Голди Курт Расселга турмушга чиқади ва 1986 йилда унга ўғли Уаяттни дунёга келтиради. У ҳам худди опаси Кейт каби ота-онасининг изидан боради, лекин қисқа вақт ичида катта муваффақиятга эришади — 2021 йилда у Marvel кино оламининг бир қисмига айланди, бу эса уни ақл бовар қилмайдиган даражада машҳур қилди.

Ҳью Грант ва Томас Броди-Сангстер — холаваччалар

Гарчи Ҳью Грант ва Томас Броди-Сангстер 2003 йилдаги “Ҳақиқий севги” фильмида бирга иштирок этган бўлса-да, уларнинг яна баъзи умумий томонлари бор. Романтик комедияни суратга олиш пайтида Ҳью ёш ҳамкасби унинг холаваччаси эканлигини ҳатто хаёлига ҳам келтирмаган. Бу ҳақда Грантга Томаснинг ўзи гапириб беради — унинг бувиси ва Ҳьюнинг катта бувиси опа-сингил бўлганини биларди. Шундай қилиб, Броди-Сангстер Ҳьюнинг узоқ қариндоши бўлиб чиқди.

Том Круз ва Уилям Мапотер — амакиваччалар

Том Круз ва Уилям Мапотер ўртасидаги алоқани аниқлаш учун Круз Томнинг ягона фамилияси эмаслигини билиш кифоя. Аслида унинг исми Томас Круз Мапотер IV. Том Крузнинг амакиваччаси бўлган “Тирик қолиш” сериалидаги Уилям ҳам худди шундай фамилияга эга. Қизиғи шундаки, Том ва Уилям бир неча бор бирга ишлаган: улар “Асосий фикр”, “Ванилранг осмон”, “Уддалаб бўлмас топшириқ 2”, “Магнолия” фильмларида бирга рол ўйнаган.

Николас Кейж — Френсис Форд Копполанинг жияни

Кўпчилик Николасни Кейж фамилияси билан билади, лекин бу тахаллусни у суперқаҳрамон Люк Кейждан илҳомланиб олган. Бироқ карьерасининг бошида Николас ҳақиқий фамилияси — Коппола билан ўйнаган. Кейинчалик актёр машҳур фамилиясидан воз кечишга қарор қилади, чунки ўзини таниқли амакиси билан таққослашларини ва ҳаммасига фақат фамилияси туфайли эришгани ҳақида гапиришларини истамайди.

Охир-оқибат Николас Френсис Форд Копполасиз ҳам муваффақиятга эриша олишини исботлайди, чунки Кейж бўлгач, у “Арвоҳ пойгачи”, “Миллат хазинаси”, “Юзсиз” фильмларида иштирок этади.