Англиянинг “Ливерпуль” клуби Парижнинг “ПСЖ” жамоасида тўп сураётган 22 ёшли футболчи Бредли Барколяни ўз сафига қўшиб олишни истамоқда. Бу ҳақда журналист Саша Таволери ўзининг ижтимоий тармоқдаги саҳифасида хабар берди.
Манбанинг ёзишича, “қизиллар” футболчи учун камида 100 миллион евролик таклиф тайёрламоқда. Клуб “Ньюкасл” ҳужумчиси Александер Исак трансферини амалга ошира олмаяпти. Сабаби “ҳаккалар” раҳбарияти Исакни сотмаслигини маълум қилган. Шундан сўнг клуб захира режасига ўтган ва Барколя билан шартнома имзолаш учун ҳаракат бошлади. Агар “Ливерпуль” ушбу трансферни амалга ошира олса, бу ёзги трансфер ойнасидаги энг йирик харидлардан бирига айланиши мумкин.
Бредли ўтган мавсум “ПСЖ” сафида жами 64 та ўйинда майдонга тушиб, ўз ҳисобига 21 та гол ва 21 та голли узатма ёздириб қўйган. Унга бўлган талабнинг юқорилиги, УЕФА Чемпионлар Лигаси ҳамда Франция чемпионатида кўрсатган ўйинлари билан боғлиқ.
- Бредли ва парижликлар ўртасидаги шартнома 2028 йилнинг ёзигача амал қилади.
- Transfermarkt портали футболчининг қийматини 70 миллион еврога баҳоламоқда.
Изоҳ (0)