Турк фильм ва сериаллари одатда мелодрама ёки тарихий жанрга хос бўлишига дизи томошабинлари ўрганиб қолган, чунки фентези ёки детектив каби жанрлар турк кинематографиясида анча кам учрайди. Бироқ жорий йилда вазият бир оз ўзгаради, чунки томошабинларни мўжизалар ва эртакнамо саргузаштларга тўла ноодатий лойиҳа кутмоқда.
“Тете ва эртак: тушлар диёри” (“Tete ve Masal: Rüyalar Diyarı”) номли янги фильм 2025 йил 24 январда Туркия кинотеатрларида намойиш этилиши кутилмоқда. Унда таниқли актриса Фаҳрие Эвжен Амазон қироличаси, Пелин Карахан эса малика Принезел образида намоён бўлади.
Фильм асосан меҳр, дўстлик ва оилавий қадриятлар ҳақида ҳикоя қилади. “Тете ва эртак: тушлар диёри” томошабинларни ҳаётнинг муҳим жиҳатлари устида мулоҳаза юритишга ундайди. Сюжетда бош қаҳрамон — Тете исмли қизнинг ҳаётида содир бўлаётган қийинчиликлар эртаклар оламининг қизиқарли воқеалари билан уйғунлашади.
Изоҳ (0)