Айрим турк актёрлари орасида ўзларининг ғалати талаблари билан эътиборга тушганлари ҳам бор. Улар бактериялардан қўрқади, юзларига тегишга рухсат бермайди, ҳар бир эпизод учун катта маблағ талаб қилади. Қуйида турк сериаллари юлдузларининг ақл бовар қилмайдиган таклифлари ҳақида маълумот берилади.
Ҳалит Эргенч
Ҳалит Эргенч келишган, кўзлари оч кулранг турк актёри. “Муҳташам юз йил”нинг 1-қисми чиққандан сўнг, мухлислар Халитни кўчада кўриб қолса, таний бошлади. Бироқ актёр ушбу лойиҳада суратга тушишдан олдин ҳам бир нечта фильм, сериалларда суратга тушган эди ва шунингдек бир қанча талабларга эга бўлган муносиб шахс сифатида танилганди. “Муҳташам юз йил” сериалининг суратга олиш майдончасида Ҳалит ўзининг ҳақиқий юзини кўрсатди. У тўсатдан сериал ижодкорларидан катта маблағни: битта қисм учун 18 000 доллар талаб қилди. Продюсерлар актёрга сўраган маблағини беришга мажбур бўлди, чунки усиз сериалнинг қизиғи қолмаган бўларди.
Бундан ташқари Ҳалит шу қадар такаббур бўлиб қолдики, у сценарийга аралашишни ўз ҳуқуқи деб билди. Сериалдаги роллардан бирини рафиқаси Бергузар Корелга беришни талаб қилди. Продюсерлар яна актёрнинг талабларини бажарди, шундан кейин Бергузар лойиҳада Моника Гритти ролини ижро этди.
Мерем Узерли
“Муҳташам юз йил” сериалининг яна бир юлдузи Мерем Узерли мунтазам равишда қоматини кузатиб боради. Суратга олиш жараёнлари актрисанинг барча вақтини олганлиги ва спорт учун етарли вақт бўлмаганлиги сабабли, у тўғридан тўғри суратга олиш майдончасига югуриш йўлакчасини ўрнатишни талаб қилди.
Ёмон томони шундаки, баъзида Мерем кадрда ишлаши керак бўлган пайтда машқ қилган. Бутун суратга олиш гуруҳи актрисанинг спорт билан шуғулланишини ва ишга киришишини кутган.
Киванч Татлитуғ
Киванч Татлитуғ бутун дунёни пандемия қамраб олганидан қаттиқ қўрқди. У ҳар куни вирусга текширилишини талаб қилди, бироқ бу унга етарли эмасдек туюлди. Кейин актёр 30 000 долларга шахсий автоуй сотиб олди ва ундан фойдаланишга рухсат берилмагунча “Сув ости кемаси ҳикояси” фильмида суратга тушишдан бош тортди.
Актёрнинг шахсан ўзи автоуй ҳар куни дезинфекция қилинишини ва бегоналар унга кирмаслигини текширган. Айтишларича, Киванч фақат унда ўзини хотиржам ҳис қилган.
Фаҳрие Эвжен
“Чолиқуши” сериали юлдузи Фаҳрие Эвжен суратга олиш майдончасидаги визажистлар билан келиша олмади. Бунинг сабаби, актриса уларнинг ишлаш усулини ёқтирмасди. Фаҳрие икки соат давомида суратга олиш майдончасида уни бўянтирган визажистлар билан урушиб қолган ва макияжни ўчириб ўзи бўяна бошлаган.
Натижада суратга олиш жараёни вақт жиҳатидан жуда секин кечди, ҳамма асабий ва хавотирда эди. Фаҳрие эса унинг гўзал юзига бошқа ҳеч ким тегиши мумкин эмаслигини айтди.
Изоҳ (0)