Ўзбекистонда аллақачон оммалашиб кетган турк сериаллари нафақат Ўрта Осиё давлатларида, балки бошқа кўплаб хорижий мамлакатларда севиб томоша қилинади. Бугунги кунда Туркия АҚШдан кейинги энг кўп сериал сотувчи иккинчи мамлакатга айланган. Қуйида Netflix стриминг хизмати томонидан сўнгги икки йил ичида тақдим этилган энг қизиқарли турк сериалларини ҳавола этамиз.
Фото: Netflix
“Кимлар келди, кимлар кечди”
Бош ролда Серенай Сарикая иштирок этади. У ўз ишининг профессионали бўлган адвокат Лейла Тайлан образини гавдалантиради. Лейла биринчи муҳаббатининг хиёнати билан тугаган муносабатидан кейин, дўстлари ва ошпаз Фейязнинг ёрдами билан руҳиятини тиклайди. Фаолияти давомида у 15 йил ичида уч марта уйланган ва ажрашган, муносабатларда муваффақиятсиз бўлган Жем Муратанни учратади. Лейла мижозини ҳимоя қилиш жараёнида кутилмаган воқеаларга дуч келади.
Сериалнинг биринчи мавсуми 2024 йил 9 майда намойиш этилган бўлиб, 8 қисмдан иборат. Лойиҳа замонавий шаҳар ҳаётидаги муносабатларни, айниқса, иш жойидаги дўстлик ва романтик алоқаларни ўрганади. Сериал томошабинлар орасида катта қизиқиш уйғотган ва 69 мамлакатда топ-10 таликка кирган. Биринчи 32 кун ичида умумий кўриш вақти 79 миллион 200 минг соатга етган.
“Кубро”
Драма ва триллер жанридаги сериал ёзувчи Афшин Кумнинг шу номли романига асосланган. Сюжетга кўра, бош қаҳрамон Гўкхан Истанбулнинг чекка ҳудудида яшовчи оддий йигит бўлади. У “SoulTouch” номли иловада Кубро исмли фойдаланувчидан турли SMS лар олади, унинг хабарларида келажакни башорат қилувчи сирли маълумотлар бўлади. Дастлаб бунга эътибор бермаган Гўкхан, вақт ўтиши билан Кубронинг кўп нарсани билишига ишонч ҳосил қилади ва унинг кўрсатмаларига амал қилиб, ўз издошларини орттиради.
Сериал томошабинлар ва танқидчилар томонидан ижобий баҳоланган. Айниқса, эътиқод ва технология мавзуларининг ўзига хос тарзда ёритилиши, шунингдек, актёрларнинг маҳорати юқори баҳоланган.
“Гулдурос қарсаклар”
Сериал катта шаҳарда ўзини ёлғиз ҳис қилаётган Метиннинг тақдири ҳақида ҳикоя қилади. Унинг ота-онаси болани бахтли қилиш учун ҳамма нарсани қилиб кўради. Ва уларнинг ҳаётида кўплаб муаммолар пайдо бўлганда Метин ота-онасини бахтли қилиш масъулиятини ўз зиммасига олади.
“Шаҳмаран”
Мазкур лойиҳа фантастик-драматик йўналишда бўлиб, режиссёр Умур Турагай томонидан суратга олинган. Бош ролларда Серенай Сарıкая (Шаҳсу) ва Бурак Дениз (Маран) иштирок этишган.
Шахсу — ёш психология ўқитувчиси бўлиб, ўз шаҳрига қайтишга мажбур бўлади. Айнан шу ерда у илон аёл Шаҳмаранга сиғинишига тўғри келади. Агар дастлаб бош қаҳрамон учун бу жонзот ҳақидаги барча афсоналар шунчаки эртакдек туюлса, вақт ўтиши билан у унинг мавжудлигига ишона бошлайди. Бироқ Шахсу бу афсонанинг бир қисми бўлиш тақдирида борлигига шубҳа қилмайди.
Бу фантастик сериал томошабинлар эътиборини дарҳол ўзига тортди. Туркия учун бундай фантастик лойиҳаларни суратга олиш одатий ҳол эмас, аммо бу сериал мавжуд стереотипларни йўқ қилишга муваффақ бўлди.
“Тикувчи”
2023 йилда Netflix’да намойиш этилган мазкур драматик сериалда машҳур актёр Чиғатой Улусой бош ролни ижро этган. Унда муваффақиятли ва таниқли тикувчи Пеями Докумачи исмли эркак ҳақида ҳикоя қилинади. Отаси вафотидан сўнг, қаҳрамон Истанбулга кўчиб ўтади ва ўзининг оилавий сирларини яширишга ҳаракат қилади. Бу жараёнда у Эсвет исмли аёл билан танишади, бу эса унинг ҳаётини бутунлай ўзгартиради.
Изоҳ (0)