Американинг The New York Times (NYT) газетаси 1945 йилда Хиросима ва Нагасакига берилган ядровий зарбани “юз минглаб одамлар ҳаётини сақлаб қолган воқеа” деб баҳолади.
Америка қўшинлари томонидан Япония шаҳарларини бомбардимон қилинганининг 80 йиллиги муносабати арафасида нашр “80 йил олдин атом бомбаси беҳисоб инсонлар ҳаётини сақлаб қолди” сарлавҳали мақолани эълон қилди.
Нашрнинг таъкидлашича, бу қарор “тўғри бўлган” ва у нафақат юз минглаб АҚШ фуқароларини, балки “жангларда ҳалок бўлиши мумкин бўлган миллионлаб японларни” ҳам қутқариб қолган.
Америка қуролли кучлари Иккинчи жаҳон урушининг сўнгги кунларида Япония империясининг таслим бўлишини тезлаштириш мақсадида Хиросима ва Нагасакига атом бомбаларини ташлаган. Бу инсоният тарихида ядро қуролини жанговар қўллашнинг ягона мисоли ҳисобланади. Фожиа қурбонларининг умумий сони 240 минг кишидан ошади.
25 июнь куни АҚШ президенти Дональд Трамп Американинг Эрон ядровий объектларига берган зарбаларини Иккинчи жаҳон урушига “якун ясаган” Хиросима ва Нагасакига атом бомбаларини ташлашга қиёслаганди.
Япония ҳукумати бош котиби Есимаса Хаяси Америка раҳбарининг сўзларига изоҳ берар экан, Хиросима ва Нагасаки шаҳарларининг бомбардимон қилиниши “инсониятни тасвирлаб бўлмас азоб-уқубатларга ва ачиниш уйғотадиган инсонпарварлик вазиятига олиб келган касалликларга” сабаб бўлганини эслатиб ўтганди.
2024 йилнинг сентябрида АҚШ Тинч океанидаги Тиниан оролида Японияни атом бомбаси билан бомбардимон қилиш учун фойдаланилган авиабазани қайта қурмоқда.
Изоҳ (0)