Турк актёр ва актрисалари шахсий ҳаётида рўй бераётган янгиликлар ва ҳозирда юлдузлар нималар билан банд экани ҳақида маълумотларни эътиборингизга ҳавола қиламиз.
Ҳафсанур Санжактутан ва Кубилай ака яна бирга
Жуфтликнинг аразлашуви узоқ давом этмади, гарчи турк матбуотининг баъзи вакиллари Кубилайни хиёнатда айблаган бўлса ҳам, жуфтлик тез орада ярашиб олди. Уларни куни кеча Амстердам аэропортида биргаликда кўришган.
Анжелина Жоли “Мария” фильмида Халук Билгинер билан ишлаш таассуротлари ҳақида гапирди
Анжелина Жоли ва Халук Билгинер иштирокидаги “Мария” фильми турк кино саноати учун яна бир ютуқ бўлди. Аммо фильмнинг премераси бўлиб ўтган кинофестивалга Билгинер ташриф буюрмади. Жоли эса қисқа интервью давомида Халук билан ҳамкорлик қандай ўтгани ҳақида ўзининг мулоҳазаларини билдирди:
“Биз Халук Билгинер билан қисқа вақтда дўстлашиб кетдик. Аминманки, у Туркияда ва бутун дунёда ўз авлодининг буюк актёрларидан биридир. Билгинер профессионал актёр ва ҳазилкаш инсон сифатида ёдимда қолди. У билан ишлаш жуда мароқли эди”, деди Жоли.
Афра Сарачўғлу ва Мерт Рамазон Демир Янги йил байрамини бирга ўтказди
Албатта, буни тасдиқлайдиган фотосуратлар тармоқларга жойланмаган бўлса-да, “Қўрғон сирлари” юлдузлари 2025 йилни биргаликда кутиб олгани ҳақидаги фактни инкор қилиб бўлмайди. Жуфтлик байрамни дўстлари даврасида ўтказганини дўстларининг фотосуратлари орқали кўриш мумкин.
Таро Эмир Текин Россияга учиб келди
“Қўрғон сирлари”да Кая ролини ижро этган Таро Эмир Текин аввал Москвада бир неча кун ўтказди. Сўнг унинг Санкт Петербургга бориши хабар қилинди. Актёр шаҳарнинг барча диққатга сазовор жойларига ташриф буюрди.
Деврим Ўзкан ва Биге Ўнал “Ҳаммаси жойида” фильмида суратга тушади
Яқинда икки нафар ёрқин актрисанинг янги лойиҳада бирга суратга тушиши маълум бўлди. 2025 йилнинг январь ойида режиссёр Аҳмет Капужу томонидан суратга олиш ишлари бошланди. Лейла ролини Деврим, Туркан ролини Бига ижро этади. Фильм сценарийси Аҳмет Капужу ва Бекир Керем Курт томонидан ёзилган.
“Шокир Пошо оиласи” сериалини суратга олиш майдонида ёнғин содир бўлди
2024 йил охирида “Шокир Пошо оиласи” сериалини суратга олиш жойида ёнғин чиқди ва кўплаб сёмка майдонлари вайрон бўлди. Шу сабабли вақтинчалик сериални суратга олиш ишлари тўхтатиб турилди.
Ўзге Ўзажар “Қизил шарбат” сериалини тарк этди
“Қизил шарбат” сериалида ёнғин билан тугаган эпизоддан сўнг Фотиҳнинг иккинчи хотини ролини ижро этган актриса — ёрқин антагонист Ўзге Ўзажар лойиҳани тарк этди.
Актриса Эже Иртем “Қизил шарбат” сериалига таклиф этилди
Ўзге Ўзажар лойиҳани тарк этгач, тез орада сериал жамоасига актриса Эже Иртем таклиф қилинди. Турк хабарларига кўра, у Абдуллоҳ Уналнинг Нидерландияда жойлашган меҳмонхоналаридан бирининг менежери ролини ўйнайди.
Изоҳ (0)