Хитойда катталар учун мўлжалланган сўрғичлар тобора оммалашиб бормоқда. Баъзи сотувчилар ва мижозларнинг айтишича, сўрғичлар стресс ва хавотирдан халос бўлишга, уйқуни тартибга солишга ва ҳатто чекишни ташлашга ёрдам беради.

Бироқ шифокорлар бунинг оқибати яхши эмаслигидан огоҳлантирмоқда. Айрим интернет-дўконлар эса бир ойда 2000 дан ортиқ катталар сўрғич сотилаётганини маълум қилган.
Тҳе Cовер нашри маълумотларига кўра, бундай маҳсулотлар болалар сўрғичига нисбатан каттароқ ва нархи 10 дан 500 юангача (тахминан 1,4 доллардан 70 долларгача) ташкил қилади. Улар шаффоф силикон материалидан тайёрланади, ҳимоя дисклари эса турли шакл ва кўринишда бўлади.

Онлайн савдо платформаларида катталар сўрғичига оид кўплаб ижобий шарҳларни учратиш мумкин:
“Бу чекишни ташлаш учун ажойиб восита. Сўрғич менга руҳан хотиржамлик беради ва жиззакиликни камайтиради”, деб ёзади харидорлардан бири.
Сотувчилар томонидан берилган ваъдалар ижобий бўлишига қарамай, мутахассислар сўрғичнинг саломатликка салбий таъсири борлигидан огоҳлантирмоқда:
“Агар сўрғич ҳар куни уч соатдан ортиқ сўрилса, бир йил ичида тишларнинг ҳолати ўзгариши ва тишлам қабариқ ҳолатга келиши мумкин. Шунингдек, одам оғзида сўрғич билан ухлаб қолса, маҳсулотнинг бир қисми тасодифан нафас йўлига тушиб кетиши мумкин”, дейди шифокорлар.
“Стресс, хавотир ва бошқа кундалик муаммоларнинг ҳақиқий ечими ўзингизга чақалоқдек муносабатда бўлишда эмас, балки муаммони тан олиб, уни ҳал қилишдадир”, дейди психологлар.
Изоҳ (0)