Турклар ҳеч қачон тарихини унутмаган, болалари Европа таълимини олса-да, турк маданиятида улғайган. Улар Туркиядаги ота-оналари учун ўрнак, қариндошлари учун ғурур бўлган. Ҳатто улардан баъзилари машҳур бўлишга ҳам муваффақ бўлган.
Фаҳрие Эвжен
Барча турк томошабинларининг севимлиси, ўз ватанида туркиялик Моника Беллуччи деб аталадиган Фаҳрие Эвжен Германиянинг Солинген шаҳрида кўп болали турк оиласида туғилган. Унинг онаси черкас бўлиб, оиласи билан Грециянинг Салоники шаҳридан кўчиб келган. Аммо улар турк муҳожирларининг глобал тўлқинига қўшилиб, бегона юртда ҳаётнинг барча машаққат ва қийинчиликларини бошдан кечиради. Шунга қарамай, оилада таълим биринчи ўринга қўйилган, барча қизлар яхши ўқишга ҳаракат қилишган (Фаҳриенинг 3 та опаси бор). Фаҳрие Дюссельдорф университетининг социология факультетида ўқий бошлайди ва омадли тасодиф бўлмаганида, эҳтимол социолог бўларди: таътилда Истанбулга онаси ва опалари билан келган Фахрия продюсерлар эътиборига тушади ва уни сериаллардан бирига таклиф қилишади. Ўша пайтда бўлажак юлдуз 18 ёшда эди. Унинг биринчи роли “Ҳеч қачон унутма” телесериалидаги Пинар образи бўлган.
Фаҳрие бу имкониятни қўлдан бой бермай, астойдил ҳаракат қила бошлайди. Албатта, ажойиб ташқи кўриниши ҳам бунга катта ҳисса қўшади, аммо кучли характер ва истеъдодсиз ҳеч нарса бўлмасди. Кейинчалик катта асарлар ва бош ролларга таклиф туша бошлайди. Томошабинлар, айниқса, “Чолиқуши” фильмининг сериал ремейкидаги Феридени яхши кўришади.
Кейин чиройли никоҳ, бахтли оила, оналик бахти. Фаҳрие ҳозир ҳам актрисалик фаолиятини давом эттирмоқда. Айтганча, у ўқишни тугатиб, Босфор университетининг тарих йўналиши бўйича диплом олган.
Серкан Чаёғли
Серкан Чаёғлининг ота-онаси — этник турклар. Отаси 7 ёшида ота-онаси билан Германияга келган. Аммо Серканнинг онасини Туркиядан келин қилишган, шундан кейин у эри билан бирга Берлинга кўчиб келади. Серканнинг эгизак укаси бор, лекин улар яқин бўлсалар ҳам, унчалик ўхшамайди. Серкан дастлаб туркчани яхши билмасди. У Берлинда туғилган ва барча муҳожирларнинг фарзандлари сингари яхши таълим олган — иқтисодчи бўлиш учун ўқиган. Аммо мода агентлари эътиборига тушиб, ишга таклиф қилинади.
Серкан модел сифатида кўплаб мамлакатларга саёҳат қилган, аммо актёр бўлиш орзуси уни тарк этмаган. Университетда ўқиб юрган кезлари актёрлик сабоқларини олган. Ота юртига келганда эса Туркияни яхши кўриб қолади, бундан ташқари, шу ерда актёрлик бўйича ўқишни давом эттиради. “Гилос мавсуми” сериалидаги бош рол актёр карьерасидаги биринчи асосий рол эди ва дарҳол муваффақиятли чиқади. Аёз роли унга оламшумул машҳурлик келтиради. Айнан суратга олиш майдончасида у бўлажак турмуш ўртоғини учратади — сериалдаги партнёри Ўзге Гурел билан шу сериал сабаб танишади.
Асли Энвер
Асли Энвер томошабинларга “Квест” ва “Истанбуллик келин” сериалларидан, шунингдек, Netflix платформасидаги “Ишончли қўлларда” фильми билан таниш. У ҳам чет элда, Лондонда туғилган. Унинг отаси кипрлик турк, отаси ўқишга келган бўлажак турмуш ўртоғи билан танишганида ҳам Лондонда яшарди. Ёшлар бир-бирини севиб, турмуш қуришади. Асли ота-онаси ажрашгунча, деярли бутун болалигини Лондонда ўтказади. Кейин онаси, укаси ва синглиси билан Истанбулга қайтиб келади.
Асли ижодий тўгаракларга қатнашган — у ҳаётини театр ва кино билан боғлашни режалаштирган. Истанбул университетларидан бирининг театршунослик факультетига ўқишга кириб, уни тамомлаган. У карьерасини кичик роллардан бошлайди. Ёш актриса шахсий ҳаётини ҳам унутмайди. Ёш бўлишига қарамай турмушга чиқади, аммо кўп ўтмай ажрашади. Кейин эса бутун мамлакатда шов-шув бўлган бир қатор бўронли романтикаларни бошдан кечиради. Энг ҳайратланарлиси машҳур санъаткор ва қўшиқчи Мурат Бўз билан бўлган муносабатлар эди. Лекин бу муносабатлар тўйгача етиб бормайди. Ниҳоят турмушга чиққан Асли яқинда мухлисларини чиройли қизнинг онаси бўлганлиги билан хурсанд қилди.
Изоҳ (0)