“Севги изтироби” қаҳрамонлари ҳозир қаерда эканликлари, уларни қайси лойиҳаларда кўриш мумкинлиги ва энг машҳур турк драмасида иштирок этгандан кейин ҳаётлари қандай ўзгаргани ҳақида маълумот берамиз.
Бурак Ўзчивит ва Неслиҳан Атагул ўртасидаги зиддият
Экрандаги севги ҳикоясига қарамай, ҳақиқий ҳаётда Бурак Ўзчивит ва Неслиҳан Атагул тил топиша олмаган. Аввалига ҳаммаси яхши эди: улар образларини аъло даражада ижро этишади ва дўстона мулоқот қилишади. Аммо уларнинг севган инсонлари воқеага аралашган заҳоти сериал деярли тугатилади. Биринчи мавсумни суратга олиш пайтида мухлислар экрандаги жуфтлик ҳақиқий бўлишини орзу қилишганди. Турк журналистлари мавжуд бўлмаган ишқий муносабатларни исботлаш учун ёлғон миш-миш тарқатганига ажабланмаса ҳам бўлади.
Натижада миш-мишлар юлдузларнинг суюклилари суратга олиш жараёнларида иштирок этишига олиб келади. Натижада суратга олиш майдончасига биринчи бўлиб Неслиҳаннинг йигити Кадир Дўғулу келади. У бўса саҳнаси суратга олинаётганда ўша ерда бўлган, бу кадр унга жуда эҳтиросли ва узоқ туюлади. Эркак севгилиси билан узоқ вақт суҳбатлашади, кейин бош қаҳрамонларнинг биргаликдаги саҳналари сонини камайтириш талаби билан режиссёр ва сценарий муаллифларига мурожаат қилади.
Балки Кадирнинг бу ҳаракатларини эътиборсиз қолдириш мумкин эди, лекин Фахрие Эвжен Бурак Ўзчивит ва Неслиҳан Атагулни назорат қилиш ҳаракатларига қўшилади. Бурак Ўзчивитнинг севгилиси ҳам суратга олиш майдонига келиб, ўзини кимлигини кўрсатиб қўйишни унутмайди, кейин эса бечора актрисага иссиқ қаҳва сепиб юборади. Ўшанда мухлислар жамоаси иккига бўлинганди: кимдир Буракни, бошқалари Неслиҳанни қўллаб-қувватлайди.
Бурак Ўзчивит
Ҳозир Бурак Ўзчивит Фаҳрие Эвжен билан бахтли турмуш қурган ва икки ўғли бор. Унинг ҳаётида бошқа бундай романтик лойиҳалар бўлмади, актёр кўпинча тарихий сериал ёки жанговар фильмларда суратга тушади. Эҳтимол, хотини Фаҳрие Эвжен билан шунга келишгандир.
Неслиҳан Атагул
Неслиҳан ҳам 2016 йилда турмушга чиққан. Кўпчилик қизнинг том маънода қулликда яшаётганига, унинг турмуш ўртоғи Кадир Дўғулу эса секта аъзоси эканлигига ишонади. Бу ҳақдаги янгилик интернетда Кадирнинг хиёнат устида қўлга тушганида тарқалганди. Ўшанда Неслиҳан турмуш ўртоғини ҳимоя қилиб, буларнинг барчаси тахмин эканлигини айтади. Бироқ ижтимоий тармоқларда тарқалаётган фотосуратларда бунинг акси тасвирланганди. Эр-хотиннинг фарзандлари йўқ, гарчи улар анчадан бери бирга яшаётган бўлса ҳам, бу ҳам мухлисларни шубҳага солади.
Актрисанинг карьерасида бошқа машҳур лойиҳалар йўқ. Муваффақиятли бўлиши мумкин бўлган “Элчининг қизи” сериали ҳам касаллик туфайли суратга олиш ўртасида юлдуз томонидан қолдирилган. Шундан сўнг у эри билан бирга “Тун сўнгида” фильмини суратга олишга ҳаракат қилди, аммо фильм томошабинлар эътиборини тортолмади. Бўш вақтларида эр-хотин саёҳат қилади ва саёҳат давомидаги бахтли кадрларни эълон қилишади.
Каан Урганжиўғлу
Аммо асосий антагонист Эмир ролини ўйнаган актёрнинг карьераси юқорига кўтарилди. Унинг “Ҳукм” сериалидаги роли бутун фаолиятидаги энг эътиборга сазовор бўлган фильм бўлди. Туркиялик келишган йигит 2017 йил фотограф Зейнеп Ўймак билан турмуш қурган. Каан ҳам ота бўлди, унинг ширин қизчаси билан суратлари ижтимоий тармоқларда тез-тез пайдо бўлади. Шунингдек, у Гай Ричининг “Fortuna операцияси: Ғолиб бўлиш санъати” фильмида рол ўйнаган.
Мелиса Асли Памук
“Севги изтироби”да асосий роллардан бирини ўйнаган яна бир қаҳрамон бор. Гап миллионер Эмирнинг синглиси ва Камолнинг собиқ рафиқаси — Асу ҳақида кетмоқда. Нима тўғрию нима нотўғри эканлигини ажратолмай қолган соҳибжамолни “Туркия гўзали—2011” Мелиса Асли Памук ўйнаган. Ҳозир қиз 32 ёшда, аммо турмуш қуришга шошилмаяпти.
У Англия ва АҚШни забт этмоқчи. Мелиса бошқа мамлакатлар фильмларида рол ўйнаш учун барча имкониятларга эга, у нафақат чиройли ва истеъдодли, балки инглиз, немис, норвег ва француз тилларини ҳам яхши билади. Унинг актрисалик маҳоратини “Тўқнашув” (2018–2019) ва “Янги ҳаёт” (2020) лойиҳаларида кўриш мумкин.
Ҳазал Филиз Кучуккўсе
Агар эпизодик қаҳрамонлар ҳақида гап кетса, Камолнинг синглиси ва Эмирнинг иккинчи хотини Зейнепни эсга олиш керак. “Севги изтироби” сериалидаги бу қаҳрамон ҳам кўплаб томошабинларнинг ёдида қолди. Ролдан кейин Хазал мисли кўрилмаган машҳурликка эришди, бу, албатта, унинг карьерасига фойда келтирди.
Қиз турмушга чиққан, лекин 2017 йилда ажрашади. У кўпинча эгизак синглиси ва оиласи билан вақт ўтказади. Актриса “Севги изтироби”дан ташқари “Қаҳратон” (2020), “Пари эртаги” (2022) ва “Ўгай она” (2023) сериалларида ҳам рол ўйнаган.
Изоҳ (0)