Турк шоу-бизнес оламидаги янгиликларни ўтказиб юборган мухлислар учун июль ойининг бошида машҳур актёр ва актрисалар ҳаётида бўлиб ўтган энг қизиқарли хабарларни тўпладик.
Туркия ОАВлари Алина Бознинг ҳомиладор эканини айтмоқда
Ўтган ҳафтанинг энг муҳим янгиликларидан бири — “Парилар эртаги”, “Қўлимни қўйиб юборма” каби фильмлари билан машҳурликка эришган актриса Алина Боз ва унинг турмуш ўртоғи Умутга тегишли бўлди. Турк папарацсилари томонидан суратга олинган ва ижтимоий тармоқларда тарқалиб кетган суратларга кўра, ёш оила фарзанд кутмоқда.
Юлдузли жуфтлик ҳозирча буни расман тасдиқламади, аммо баъзи мухлислар фикрига кўра, Алина Бозни шунчаки нотўғри ракурсдан суратга олишгани сабабли бир оз тўлишгандек кўринган.
Илҳан Шен “Бош қаҳрамон” фильмида суратга тушишдан бош тортди
“Сапфир” ва “Севги. Онг. Қасос” телесериалларининг юлдузи Илҳан Шен Голливуддан янги лойиҳа таклифини қабул қилгани учун “Бош қаҳрамон” фильмида суратга тушишдан воз кечишга мажбур бўлди. Миш-мишларга кўра, Илҳан халқаро платформа учун хорижий сериалга таклиф қилинган. Бўлажак лойиҳа ҳақида ҳозирча тафсилотлар мавжуд эмас.
Ҳакан Сабанжи Чешме шаҳридаги Ҳанде Эрчел ёнига етиб келди
Жума куни Ҳакан Сабанжи Чемшеда “Уни шамолга қолдиринг” фильмида суратга тушаётган севгилиси Ҳанде Эрчелнинг олдига келгани маълум бўлди. Жуфтлик дам олиш кунларини Алачати курорт шаҳарчасида бирга вақт ўтказишни режалаштирган. “Қалбим эшигини қоқ” юлдузининг мухлислари Ҳанде учун чин дилдан хурсанд бўлишди, чунки Ҳакан қаллиғи учун ўз ишларини ташлаб, унинг ёнида кўпроқ вақт ўтказишга қарор қилган.
“Мени тингла” сериали асосида тўлиқ метражли фильм суратга олиниши мумкин
2022 йилда Туркияда суратга олинган “Мени тингла” сериали сюжети тўлиқ очиб берилгани учун лойиҳани яна бир мавсумга узайтириш фикридан қайтилган эди. Қолаверса, сериалда суратга тушган аксарият актёрлар ўртасида бир неча бор низолар содир бўлган.
Яқинда “Мени тингла” сериалининг расмий саҳифасида сўровнома ўтказилди. Унда мухлислардан сериал асосида янги фильм суратга олиш масаласига қандай қараши сўралди. 89 фоиздан ортиқ ижобий жавобдан сўнг, ўйлаймизки, яратиладиган янги фильм тақдирини белгилаб берди.
Керем Бурсин иштирокидаги “Бойнинг ўғли” фильмининг суратга олиш ишлари бошланди
Туркияда Керем Бурсин иштирокида Россиянинг “Холоп” фильмининг ремейки устида иш бошланди. Лойиҳада “Қалбим эшигини қоқ” юлдузи Мелиса Донгел ҳам қатнашади — унга Аглая роли берилган.
Ҳанде Эрчел ва Ҳакан Сабанжи ўзларининг бахли муносабатлар сири ҳақида сўзлаб берди
Ҳанде Эрчел “ИнStyle” журналига берган интервьюсида шахсий ҳаёти ҳақида кўплаб маълумотларни ўртоқлашди ва бугунги кундаги бахтиёр муносабатлари мавзусига тўхталиб ўтди. Актриса сўзларига кўра, икки инсон бир-бирининг шахсий чегараларини ҳурмат қилиши, ҳар бир ишда қўллаб-қувватлаши, бир-бирининг эркинлигини чекламаслиги каби омиллар муносабатлар мустаҳкам бўлишига ёрдам беради.
“Қоғоз уй” сериалининг юлдузи Лука Перош “Меҳмет: забт этувчи” сериалида суратга тушади
Туркия ва Испания давлатлар ўзаро ҳамкорлик доирасида янги лойиҳани бошлади. “Меҳмет: забт этувчи” тарихий сериалида Марсель (“Қоғоз уй”) роли билан томошабинларга танилган актёр Лука Перош иштирок этади. Бу ҳақда бош рол ижрочиси Серкан Чайўглу хабар берди
“Лойиҳа бошланишидан аввал жуда ҳам ҳаяжондамиз. Гарчи биз кадрларда мунтазам бирга чиқмасак-да, иш фаолияти давомида доимо бирга бўламиз. Жаҳон миқёсидаги актёрлар билан ишлаш биз учун шарафдир”, — дейди актёр.
Бурак Ўзчивит ва Фаҳрие Эвжен Бодрумдаги янги вилласини таъмирдан ўтказмоқда
Бурак Ўзчивит маҳаллий ОАВга берган интервьюсида оиласи билан Бодрумдаги янги уйга кўчиб ўтгани, эндиликда аёли ва фарзандларига янада кенг ва каттароқ уй кераклиги, чунки унинг оиласи “кенгайиб бораётгани”ни айтиб ўтган эди. Ҳозирда юлдузли оила янги уйнинг таъмирлаш ишлари билан банд.
Изоҳ (0)