Турк актёр ва актрисалари шахсий ҳаётида рўй бераётган янгиликлар ва ҳозирда юлдузлар нималар билан банд экани ҳақида маълумотларни эътиборингизга ҳавола қиламиз.
1. Туркияда “Олтин капалак” мукофотини топшириш маросими бўлиб ўтди
Туркияда ҳар йили анъанавий “Олтин капалак” мукофотини топшириш ва йил якунларини саралаш маросими бўлиб ўтади. Яқинда 2024 йилнинг энг яхши сериали ва актёрлари тақдирланди. Баъзи дизи мухлислари натижалардан мамнун бўлмади, чунки бир неча йиллардан бери энг машҳур турк сериали номи учун курашиб келаётган “Қўрғон сирлари” ва “Қизил шарбат” лойиҳалари бирорта совринга эга бўлмади. Рожбин Эрден ва Бертана Асслан каби актёрлар эса “Энг яхши телевизион жуфтлик” номинациясида ғолибликни қўлга киритди.
2. Интернетда Ҳанде Эрчел ва Бариш Ардуч билан “Эслатма” сериалини суратга олиш жараёнидан олинган илк суратлар пайдо бўлди
Ҳамма йилни сарҳисоб қилиб, тугалланмаган ишларни якунига етказаётган бир пайтда Ҳанде Эрчел Дисней+ платформаси учун янги лойиҳада суратга тушишни бошлаб юборди. Шу ҳафтада суратга олиш ишлари Каппадокияда олиб борилди ва лойиҳа ташкилий гуруҳи ижтимоий тармоқдаги расмий саҳифасида илк фотоларни улашди. Эслатиб ўтамиз, мини сериал блогер қиз Гунеш (Ҳанде Эрчел) ва меъмор йигит Дениз (Бариш Ардуч) ўртасидаги муҳаббат ҳақида ҳикоя қилади.
3. Серенай Сарикая Мерт Демир билан ажрашди
Ҳафта бошиданоқ ижтимоий тармоқларда “Оила” сериалидаги истеъдодли актрисанинг туркиялик мусиқачи билан муносабатларига нуқта қўйилгани ҳақида хабарлар тарқалди. Буни турк журналистларининг тасодифий фотосуратлари ва видеолари тасдиқлади, уларда Серенай жуда тушкун кайфиятда кўринган. Авваллари актриса Мерт билан муносабатларини яширмаган бўлса-да, ҳозирда бу мавзудаги саволларга жавоб беришдан бош тортмоқда.
4. Афра Сарачўғлу “Қўрғон сирлари” учинчи мавсумда якунига етишини тасдиқлади
Афра Сарачўғлу ушбу мавсум сериал учун сўнггиси бўлишини айтди. Актрисадан лойиҳа ҳақиқатан ҳам ниҳоясига етадими, деб сўрашганда у қуйидагича жавоб берди:
“Сериал тугайди, бу энди ҳаммамизга маълум. Менда эса келаётган йил учун махсус режаларим йўқ. Билмайман, ҳаётнинг ўзи кўрсатади”, деди у.
5. Мелиса Сабанжи қаллиғи Керем Бурсин олдига суратга тушиш майдонига келаётгани маълум бўлди
Айни дамда Керем Бурсин Гупсе Озай билан биргаликда “Платоник севги” сериали устида ишлаб келмоқда. Турк ОАВларида эса Керемнинг қаллиғи Мелиса доимо Чашмада бўлиб ўтаётган сёмка майдонида уни қўллаб-қувватлаш учун тез-тез олдида бўлганини ёзмоқда.
6. Киванч Татлитуғ ўқишни битиргач, Лондонда шахсий ресторанини очади
Инсайдерлар хабар беришича, Киванч Татлитуғ шахсий ресторанини очиш учун Лондонда уч ойлик курсда ўқиди. Янги овқатланиш тармоғи Истанбулдаги Гоктурк ҳудудида жойлашиши режалаштирилган.
7. Бурак Серген ва Булент Пўлат “Қора юрак” сериалини суратга олиш майдонида ёқалашиб кетди
Ҳафсанур Сажактутан иштирокидаги “Қора юрак” сериалида актёрлар Бурак Серген ва Булент Пўлат ўртасида можаро юзага келди. Самет ролини ўйнаган актёр Эсра Дерманжиўғлу ва Булент Пўлатнинг унга халақит бераётганини айтди.
Можаро тинч йўл билан ҳал бўлмади, натижада атрофдаги ишчилар юлдузларни ажратиб олишга мажбур бўлди. Жанжалнинг барча иштирокчилари продюсерлик компанияси томонидан ҳайфсан олди.
8. Арзу Сабанжи ўғлининг Ҳанде Эрчел билан муносабати ҳақида изоҳ беришдан бош тортди
Турк матбуоти ҳамон Ҳанде Эрчел ва Ҳакан Сабанжи тўйи қачон бўлиб ўтишини аниқлашга ҳаракат қилмоқда. Бу сафар Арзу Сабанжини журналистлар аэропортда қарши олди ва барча мухлисларни қизиқтирган саволларни берди. Аммо Арзу Сабанжи барча саволларга жавоб беришдан бош тортди. Бундай ишора юлдузларнинг яқин келажакда тўй маросими ҳали бўлмаслигидан далолат беради, деб тушунилди.
9. Актриса Гамзе Карадуман “Лейла” сериали жамоасини тарк этди
Малининг рафиқаси ролини ижро этган актриса Гамзе Карадуман лойиҳани тарк этди. Қайд этилишича, бу ҳолат актрисанинг соғлиғи билан боғлиқ муаммолар туфайли содир бўлди. Касаллик суратга олишни давом эттиришга тўсқинлик қилган ва ҳозирда жамоа унинг ўрнига бошқа актрисани изламоқда.
10. “Алвон ғунчалар” сериалидаги Жунейд ва Зайнаб воқеаси сценарий муаллифи ота-онасининг реал ҳаётига асослангани маълум бўлди
“Олтин капалак” мукофотида “Алвон ғунчалар” сценарий муаллифи Шукру Нежати Шаҳин бундай ажойиб ҳикоя ғояси қаердан келгани ҳақида айтиб ўтди. Маълум бўлишича, у Жунейд ва Зайнаб воқеасини ота-онасининг ҳаётидан олган.
Изоҳ (0)