2025 йилнинг 18 январь куни америкалик актёр ва режиссёр Кевин Костнер 70 ёшга тўлди. Унинг кинодаги карьераси 80 йиллар бошида бошланган. Бу вақт ичида у кўп эътирофларга сазовор бўлди ва бир қанча мукофотлар, жумладан, иккита “Оскар”га лойиқ кўрилди.
Таржимайи ҳоли
Кевин Костнер 1955 йил Калифорниянинг Линвуд шаҳрида ўртаҳол оилада туғилган. Болалигиданоқ мактаб тадбирларида фаол қатнашиб, санъат ва спортга қизиққан. Кевин университетда маркетинг ва молия бўйича таҳсил олган, аммо актёр Ричард Бёртон билан учрашув унинг ҳаётини тубдан ўзгартириб юборди, шундан сўнг у ўзини кинога бағишлашга қарор қилди.
Кевин Костнер ўзининг ноёб актёрлик истеъдоди ва харизмаси туфайли тезда машҳур бўлди. Унинг иштирокидаги фильмлар бир неча бор кассада муваффақият қозонган ва танқидчиларнинг юқори баҳоларига сазовор бўлган.
Актёрлик карьераси
Кевин Костнер актёрлик фаолиятини режиссёр Лоуренс Касданнинг “Silverado” фильмидаги ролига қадар унчалик кўзга ташланмайдиган роллар билан бошлаган. Кўп ўтмай, у Голливуднинг энг талабгир актёрларидан бирига айланди. Айниқса, 1991 йил Костнер “Робин Гуд: ўғрилар шаҳзодаси”, кейин эса “Тансоқчи” фильмида рол ўйнаган ва бу унга оламшумул шон-шуҳрат келтирган.
“Тансоқчи”даги муваффақиятидан сўнг, у кинодаги фаолиятини давом эттирди, “Мукаммал дунё” ва “Сувда қалққан армонлар” каби фильмларда рол ўйнади. “Сув дунёси” муваффақиятсизликка учраганига қарамай, актёр қизиқарли ролларни излаш ва топишдан тўхтамади, бу унинг “Қотиллик учун 3 кун” ва “Энсо кўзи билан ақл бовар қилмайдиган дунё” фильмларидаги иштироки бунинг исботидир.
Режиссёрлик фаолияти
Кевин Костнер актёрлик шон-шуҳратининг чўққисига чиққач, шу билан тўхтаб қолмади ва ўзининг узоқ йиллик орзуси — режиссёр бўлишга қарор қилди. Унинг дебют фильми “Бўрилар билан рақс” 1990 йилда нафақат кино оламини портлатибгина қолмай, балки унга кутилмаган муваффақият келтирди ва етти марта “Оскар”га сазовор бўлди. Бу ғалаба уни биринчи картинаси билан бундай нуфузли мукофотни қўлга кирита олган кам сонли дебютант режиссёрлардан бирига айлантирди.
Шахсий ҳаёти
1990 йиллар бошларида, шон-шуҳрат чўққисида, Костнер 16 йил мобайида турмуш қурган биринчи хотини Синди Сильва билан ажрашди. Уларнинг уч фарзанди бор эди. Бу давр актёр учун карьерасидаги жиддий таназзул даври бўлди.
Синди билан ажрашгандан сўнг, 1996 йилда Костнер актриса Брижит Рунидан никоҳсиз Лиам исмли ўғил кўрди. Фарзанди борлигига қарамай, эр-хотин бирга яшашмади. У 2004 йилда Кристин Баумгартнер билан учраша бошлади. Эр-хотин уч болани тарбиялаб, Голливуднинг энг кучли жуфтликларидан бири бўлишди.
Бироқ 2023 йил май ойида Кевин ва Кристин 18 йиллик никоҳдан кейин ажрашгани маълум бўлди. Кристин ажрашишнинг сабаби сифатида “муросасиз келишмовчиликлар”ни кўрсатди. Ўша йилнинг сентябрь ойида ажрим жараёни якунланди.
Путин билан учрашуви
2014 йилда Кевин Костнер интервьюларидан бирида Россия ҳақидаги фикрлари ва таассуротлари билан ўртоқлашди. Мусиқий гуруҳи билан гастрол доирасида Россияга ташриф буюрган Костнер ушбу мамлакат унга ёққанини айтган. Режиссёрнинг таъкидлашича, Москва ва Санкт-Петербург каби йирик шаҳарлардаги чиқишлари актёрнинг юрагида чуқур из қолдирган.
Костнер, шунингдек, Владимир Путиннинг уйида меҳмон бўлганини ҳам эслатиб, лекин оддий одамлар билан мулоқот қилиш унинг учун муҳим эканини таъкидлайди.
“Мен учун оддий одамлар билан бирга бўлиш муҳимроқ эканини ҳис қилдим”, дейди у.
Сиёсий танқидлар
Американинг Тhе Variety нашрига берган интервьюсида Кевин Костнер Қўшма Штатлардаги сиёсий тизимнинг ҳозирги ҳолатидан хавотир билдирди. У сиёсий манзара ўзи учун таниб бўлмас ҳолга келганини айтиб, мамлакатдаги вазиятдан қайғуда эканини билдирди. Актёрнинг таъкидлашича, танқидларга қарамай, Америка ғояси ҳали ҳам кўплаб муҳожирларни ўзига жалб қилмоқда.
Изоҳ (0)