2025-yilning 18-yanvar kuni amerikalik aktyor va rejissyor Kevin Kostner 70 yoshga to‘ldi. Uning kinodagi karyerasi 80-yillar boshida boshlangan. Bu vaqt ichida u ko‘p e’tiroflarga sazovor bo‘ldi va bir qancha mukofotlar, jumladan, ikkita “Oskar”ga loyiq ko‘rildi.
Tarjimayi holi
Kevin Kostner 1955-yil Kaliforniyaning Linvud shahrida o‘rtahol oilada tug‘ilgan. Bolaligidanoq maktab tadbirlarida faol qatnashib, san’at va sportga qiziqqan. Kevin universitetda marketing va moliya bo‘yicha tahsil olgan, ammo aktyor Richard Byorton bilan uchrashuv uning hayotini tubdan o‘zgartirib yubordi, shundan so‘ng u o‘zini kinoga bag‘ishlashga qaror qildi.
Kevin Kostner o‘zining noyob aktyorlik iste’dodi va xarizmasi tufayli tezda mashhur bo‘ldi. Uning ishtirokidagi filmlar bir necha bor kassada muvaffaqiyat qozongan va tanqidchilarning yuqori baholariga sazovor bo‘lgan.
Aktyorlik karyerasi
Kevin Kostner aktyorlik faoliyatini rejissyor Lourens Kasdanning “Silverado” filmidagi roliga qadar unchalik ko‘zga tashlanmaydigan rollar bilan boshlagan. Ko‘p o‘tmay, u Gollivudning eng talabgir aktyorlaridan biriga aylandi. Ayniqsa, 1991-yil Kostner “Robin Gud: o‘g‘rilar shahzodasi”, keyin esa “Tansoqchi” filmida rol o‘ynagan va bu unga olamshumul shon-shuhrat keltirgan.
“Tansoqchi”dagi muvaffaqiyatidan so‘ng, u kinodagi faoliyatini davom ettirdi, “Mukammal dunyo” va “Suvda qalqqan armonlar” kabi filmlarda rol o‘ynadi. “Suv dunyosi” muvaffaqiyatsizlikka uchraganiga qaramay, aktyor qiziqarli rollarni izlash va topishdan to‘xtamadi, bu uning “Qotillik uchun 3 kun” va “Enso ko‘zi bilan aqlbovar qilmaydigan dunyo” filmlaridagi ishtiroki buning isbotidir.
Rejissyorlik faoliyati
Kevin Kostner aktyorlik shon-shuhratining cho‘qqisiga chiqqach, shu bilan to‘xtab qolmadi va o‘zining uzoq yillik orzusi — rejissyor bo‘lishga qaror qildi. Uning debyut filmi “Bo‘rilar bilan raqs” 1990-yilda nafaqat kino olamini portlatibgina qolmay, balki unga kutilmagan muvaffaqiyat keltirdi va yetti marta “Oskar”ga sazovor bo‘ldi. Bu g‘alaba uni birinchi kartinasi bilan bunday nufuzli mukofotni qo‘lga kirita olgan kam sonli debyutant rejissyorlardan biriga aylantirdi.
Shaxsiy hayoti
1990-yillar boshlarida, shon-shuhrat cho‘qqisida, Kostner 16 yil mobayida turmush qurgan birinchi xotini Sindi Silva bilan ajrashdi. Ularning uch farzandi bor edi. Bu davr aktyor uchun karyerasidagi jiddiy tanazzul davri bo‘ldi.
Sindi bilan ajrashgandan so‘ng, 1996-yilda Kostner aktrisa Brijit Runidan nikohsiz Liam ismli o‘g‘il ko‘rdi. Farzandi borligiga qaramay, er-xotin birga yashashmadi. U 2004-yilda Kristin Baumgartner bilan uchrasha boshladi. Er-xotin uch bolani tarbiyalab, Gollivudning eng kuchli juftliklaridan biri bo‘lishdi.
Biroq 2023-yil may oyida Kevin va Kristin 18 yillik nikohdan keyin ajrashgani ma’lum bo‘ldi. Kristin ajrashishning sababi sifatida “murosasiz kelishmovchiliklar”ni ko‘rsatdi. O‘sha yilning sentyabr oyida ajrim jarayoni yakunlandi.
Putin bilan uchrashuvi
2014-yilda Kevin Kostner intervyularidan birida Rossiya haqidagi fikrlari va taassurotlari bilan o‘rtoqlashdi. Musiqiy guruhi bilan gastrol doirasida Rossiyaga tashrif buyurgan Kostner ushbu mamlakat unga yoqqanini aytgan. Rejissyorning ta’kidlashicha, Moskva va Sankt-Peterburg kabi yirik shaharlardagi chiqishlari aktyorning yuragida chuqur iz qoldirgan.
Kostner, shuningdek, Vladimir Putinning uyida mehmon bo‘lganini ham eslatib, lekin oddiy odamlar bilan muloqot qilish uning uchun muhim ekanini ta’kidlaydi.
“Men uchun oddiy odamlar bilan birga bo‘lish muhimroq ekanini his qildim”, deydi u.
Siyosiy tanqidlar
Amerikaning The Variety nashriga bergan intervyusida Kevin Kostner Qo‘shma Shtatlardagi siyosiy tizimning hozirgi holatidan xavotir bildirdi. U siyosiy manzara o‘zi uchun tanib bo‘lmas holga kelganini aytib, mamlakatdagi vaziyatdan qayg‘uda ekanini bildirdi. Aktyorning ta’kidlashicha, tanqidlarga qaramay, Amerika g‘oyasi hali ham ko‘plab muhojirlarni o‘ziga jalb qilmoqda.
Izoh (0)