Болливуд олами доимо гўзал рақслари, ёрқин миллий образлари, оташин муҳаббат қиссалари ва бетакрор қўшиқлари билан бизларни ўзига ром этиб келган. Аммо бугунги кунда ҳинд кинематографи турли стереотиплардан йироқ бўлган ва ўткир сюжетли фильмларни суратга олмоқда. 2024 йилда ҳам Болливуд кино саноати бизга кўплаб янги фильмларни тақдим этди.
“12 муваффақиятсизлик”
Ушбу биографик фильмда полициячи бўлишни орзу қилган оддий оиланинг фарзанди — камбағал йигит ҳақида ҳикоя қилинади. У туғилиб ўсган қишлоғини ташлаб, имтиҳондан ўтиш учун катта шаҳарга келади. Аммо тақдир мутлақо кутилмаган қийинчиликларни бошига солади. Фильмда қалбларга таъсир қиладиган ҳикоялар, инсон ўз орзулари учун қанчалик узоққа бориши ҳақида ўйлашга мажбур қиладиган воқеалардан иборат. Унинг ҳар бир дақиқаси кураш ва фалсафага тўла бўлиб, фильмнинг сўнгги дақиқаларигача интригани ушлаб туради.
“Маҳаража”
Мазкур фильм Netflixъдаги “Maxarаж” номли лойиҳа эмас. “Маҳаража” — бутунлай бошқа жанр ва услубдаги фильм. Унда Ченнай сартарошхонасида ишлайдиган оддий, ўрта ёшли эркак ҳақида ҳикоя қилинади.
Бир куни унинг уйига юк машинаси урилади ва воқеа фожиали тарзда тугайди: унинг рафиқаси Лакшми вафот этади. Маҳаража ва унинг қизи Жоти биргаликда кун кечира бошлайди. Сўнг улар қизнинг омон қолиш бахтига сабаб бўлган чиқинди қутисига Лакшми номи бериб, унга уйдан жой қилиб беради.
Бироқ Лакшмини тез орада ўғирлаб кетишгач, Маҳаража полицияга мурожаат қилади. Полиция биргина чиқинди қутисини излаш учун қилинган қўнғироқни писанд қилмайди ва Маҳаражани ақлдан озганга чиқаради. Аммо улар пора олгандан кейингина Маҳаражанинг хазинасини топишга рози бўлади.
“777 Чарли”
Дҳарма исмли ўрта ёшли йигит ёлғиз яшайди. Кунларнинг бирида тақдир унга бошпанасиз қолган лабрадор ити кўринишидаги кутилмаган совғани тақдим этади. Кучук Дҳарманинг уйига кириб боради ва вақт ўтгани сайин унинг қалбини забт эта бошлайди. Кучукни ветеринар кўригидан ўтказилгач, Чарли лақабли ит тузалмас касалликка чалингани маълум бўлади. Бу воқеа туфайли Дҳарма тўрт оёқли дўсти билан Ҳимолай тоғларига — видолашув зиёратига боришга қарор қилади.
Изоҳ (0)