Янги йил байрамларида мунтазам томоша қилинадиган анъанавий фильмга айланган “Тақдир ҳазили ёки қушдек енгил бўлинг” комедияси илк бор 1976 йил 1 январда намойиш этилган.
Суратга олиш ишлари баҳорда бошланиб, ёз фаслида тугаганига қарамай, фильм режиссёри Элдар Рязанов ва бошқа ижодкорлар қишки Москванинг барча жозибасини экранларда етказишга муваффақ бўлган. Мазкур фильмда қорга бурканган бутун бошли қорли кўчаларни, бўронларини суратга олиш қандай тарзда амалга оширилган?
Маълум бўлишича, қишки манзараларни яратиш учун суратга олиш гуруҳи бир вақтнинг ўзида бир нечта турли материаллардан фойдаланган ва уларнинг ҳар бири турли мақсадларда фойдаланилган. Масалан, деворлар, турли тўсиқлар пахта бўлаклари билан қопланган, уйлар томларида эса пенопластнинг майда бўлаклари сочиб қўйилган.
Қор ёғаётган кадрларни эса майда қоғоз парчаларидан фойдаланган ҳолда суратга олинган. Улар шамол пуркагич ёрдамида ҳавога кўтарилган. Фильм кадрларида ҳақиқатан ҳам ташқарида қиш фасли ҳукм сургандек манзара гавдаланган.
Изоҳ (0)