Алиса Фрейндлих, Лия Ахежакова ва миллионлаб мухлислар кўнглидан жой олган совет киносининг бошқа актрисалари (фото)

2022 йил 9 июль куни таниқли актриса Лия Ахежакова 84 ёшни қарши олди. Актрисанинг туғилган куни шарафига Grazia нашри яна миллионлаб мухлислар муҳаббатига сазовор бўлган 5 та совет актрисасининг ҳаёт йўли билан боғлиқ маълумотлар билан бўлишди.

Лия Акежакова

Лия Майкопда актёрлар оиласида ўсган, унинг отаси режиссёр, онаси эса актриса бўлган. Дастлаб Лия Москва рангли металлар институтига ўқишга кирди, аммо кейин у ота-онасининг изидан боришга қарор қилди. Ахежакова «Ишдаги ишқ»дан «Тақдир ҳазили ёхуд қушдек енгил бўлинг»гача бўлган кўплаб совет фильмларида рол ўйнади. Унинг драматик кечинмаларни таъсирли тарзда етказиш қобилияти томошабинларни ўзига жалб қилди. Актриса қайғуга ботган аёлми ёки кулгили кампирми, ҳар доим бир қаҳрамондан бошқасига осонгина ўтишга муваффақ бўлган.

Татяна Доронина

Кўзлари кўк, жингалак сочлари сарғиш Татяна славянча гўзалликнинг идеал қиёфасини ўзида мужассам этган актрисалардан бири. У 8-синфда ўқиб юрганида Москва бадиий театр мактабига ўқишга кириш учун ота-онасидан яширинча Москвага келган ва унга омад кулиб боққан. Аммо қизнинг ҳақиқий ёшини билишгач, уни мактабни битириб келишига юборишди, ўжар Татяна мактаб аттестатини олди ва мамлакатдаги барча энг яхши театр мактабларида бўлиб қайтди. Бироқ ўша вақтларда актриса келажакда Москва бадиий театрининг раҳбари бўлишини билмас эди. Актриса «Яна бир бор севги ҳақида» романтик драмаси ва бошқа фильмларда ранг-баранг роллари билан мухлислар эътиборини қозонган.

Ирина Муравиева

Ирина ўз фаолиятини театрда бошлаган, гарчи у дастлаб ўқишга кирмаган бўлса ҳам. 70 йилларнинг ўрталарида актрисада жиддий роллари пайдо бўла бошлади ва у комедия ҳамда драмани уйғунлаштиришнинг нозик қобилияти билан барчани ҳайратда қолдирди. Томошабинлар «Москва кўз ёшларга ишонмайди» фильмидаги ўзига ишонган Людмила билан ҳанузгача ҳамдард, ҳали ҳам «Карнавал» фильмидаги «Менга қўнғироқ қилинг» қўшиғини куйлайди. Сўнгги йилларда уни Давлат академик Малий театрида саҳналаштирилган спектаклларда кўриш мумкин.

Вера Алентова

Владимир Меншовнинг беваси Ирина Муравёва сингари «Москва кўз ёшларга ишонмайди» фильмидан кейин шуҳрат қозонди. У ёлғони туфайли фарзанди билан ёлғиз қоладиган меҳнаткаш Катерина ролини ижро этди. Алентова Москва бадиий театр мактабини тугатгандан сўнг Пушкин театрида фаолият юритди. 2000 йилларнинг бошидан бери у сериал ва фильмларда рол ўйнашни бошлади. 2022 йилнинг ноябрь ойида Вера иштирокидаги «Ампир V» рус фантазияси намойиш этилиши кутилмоқда.

Алиса Фрейндлих

Алиса театрни яхши кўрганлиги учун болалигидан тўгаракларга борган. Икки актёрнинг оиласида (унинг ота-онаси Бруно ва Ксения Ленинград ишчи ёшлар театрида ишлаган) воқеалар бошқача ривожланиши мумкин эмасди. Қизни жуда узоқ вақт кинога яқинлаштиришмади, чунки Алиса жуда ҳам гўзал бўлмаган. Аммо жозибаси ва меҳнатсеварлиги туфайли актриса «Ишдаги ишқ» фильмида рол ўйнади. Фрейндлих театрда фаолият юритишда давом этмоқда ва ҳанузгача Булгаковнинг «Уста ва Маргарита»даги Маргарита ролини ўйнаш актрисанинг орзуси.