Yangi yil bayramlarida muntazam tomosha qilinadigan an’anaviy filmga aylangan “Taqdir hazili yoki qushdek yengil bo‘ling” komediyasi ilk bor 1976-yil 1-yanvarda namoyish etilgan.
Suratga olish ishlari bahorda boshlanib, yoz faslida tugaganiga qaramay, film rejissyori Eldar Ryazanov va boshqa ijodkorlar qishki Moskvaning barcha jozibasini ekranlarda yetkazishga muvaffaq bo‘lgan. Mazkur filmda qorga burkangan butun boshli qorli ko‘chalarni, bo‘ronlarini suratga olish qanday tarzda amalga oshirilgan?
Ma’lum bo‘lishicha, qishki manzaralarni yaratish uchun suratga olish guruhi bir vaqtning o‘zida bir nechta turli materiallardan foydalangan va ularning har biri turli maqsadlarda foydalanilgan. Masalan, devorlar, turli to‘siqlar paxta bo‘laklari bilan qoplangan, uylar tomlarida esa penoplastning mayda bo‘laklari sochib qo‘yilgan.
Qor yog‘ayotgan kadrlarni esa mayda qog‘oz parchalaridan foydalangan holda suratga olingan. Ular shamol purkagich yordamida havoga ko‘tarilgan. Film kadrlarida haqiqatan ham tashqarida qish fasli hukm surgandek manzara gavdalangan.
Izoh (0)